ກອງປະຊຸມການຄ້າແລະການພັດທະນາອົງການສະຫະປະຊາຊາດເປີດເຜີຍບົດລາຍງານໃນວັນທີ 7 ມິຖຸນານີ້ໂດຍຊີ້ໃຫ້ເຫັນວ່າ,ການລົງທຶນໂດຍກົງຈາກຕ່າງປະເທດໃນໂລກໃນປີ 2016 ໄດ້ຫຼຸດລົງ,ແຕ່ການລົງທຶນຢູ່ຕ່າງປະເທດຈາກຈີນໄດ້ເພີ່ມຂຶ້ນແລະກາຍເປັນປະເທດໃຫຍ່ອັນດັບສອງຂອງໂລກໃນການລົງທຶນຢູ່ຕ່າງປະເທດ.
ບົດລາຍງານການລົງທຶນຂອງໂລກປີ 2017 ທີ່ກອງປະຊຸມການຄ້າແລະການພັດທະນາອົງການສະຫະປະຊາຊາດເປີດເຜີຍໃນວັນດັ່ງກ່າວໄດ້ຊີ້ໃຫ້ເຫັນວ່າ,ຍອດມູນຄ່າການລົງທຶນໂດຍກົງໃນໂລກໃນປີຜ່ານມາໄດ້ຫຼຸດລົງ 2% ຄືມີພຽງແຕ່ 1750 ຕື້ໂດລາສະຫະລັດ.ໃນນີ້,ການລົງທຶນຢູ່ຕ່າງປະເທດຈາກປະເທດທີ່ພັດທະນາແລ້ວໄດ້ຫຼຸດລົງ 11% ເປັນຕົ້ນ,ອາເມລິກາຫຼຸດລົງເຖິງ 299 ຕື້ໂດລາສະຫະລັດ,ແຕ່ກໍຖືວ່າຍັງເປັນປະເທດທີ່ລົງທຶນຢູ່ຕ່າງປະເທດຫຼາຍກວ່າໝູ່ໃນໂລກ.
ບົດລາຍງານຊີ້ໃຫ້ເຫັນວ່າ,ປີຜ່ານມາ,ຈີນໄດ້ລົງທຶນຢູ່ຕ່າງປະເທດເພີ່ມຂຶ້ນ 44% ຄືບັນລຸເຖິງ 183 ຕື້ໂດລາສະຫະລັດແລະກາຍເປັນປະເທດໃຫຍ່ອັນດັບສອງຂອງໂລກໃນການລົງທຶນຢູ່ຕ່າງປະເທດ.ຂະນະດຽວກັນ,ຈີນໄດ້ດຶງດູດທຶນຕ່າງປະເທດ 134 ຕື້ໂດລາສະຫະລັດໂດຍເປັນຮອງພຽງແຕ່ອາເມລິກາແລະອັງກິດແລະກາຍເປັນປະເທດໃຫຍ່ອັນດັບສາມທີ່ທຶນຕ່າງປະເທດໄຫຼເຂົ້າມາໃນປະເທດດັ່ງກ່າວ.