ຕາມຂ່າວCRI: ວັນທີ 8 ມິຖຸນານີ້, ສະຖານທູດຈີນປະຈຳມຽນມາແລະຄະນະຊາວມຽນມາເຊື້ອສາຍຈີນໄດ້ຮ່ວມກັນຈັດງານລ້ຽງຮັບຮອງ"ວັນມິດຕະພາບຖານອ້າຍນ້ອງຈີນ-ມຽນມາ"ຄັ້ງທີ 2 ຢູ່ນະຄອນຢາງກຸງ ເພື່ອສະເຫຼີມສະຫຼອງຈີນແລະມຽນມາສ້າງຕັ້ງສາຍພົວພັນທາງການທູດຄົບຮອບ 67 ປີ. ທ່ານ ຫົງລ້ຽງ ເອກອັກຄະລັດຖະທູດຈີນປະຈຳມຽນມາ, ທ່ານ ຈໍ ຕິນສວີ ລັດຖະມົນຕີກະຊວງທີ່ປຶກສາແຫ່ງລັດມຽນມາພ້ອມດ້ວຍຜູ້ຕາງໜ້າວົງການຕ່າງໆຂອງສອງປະເທດເຂົ້າຮ່ວມ 700 ກວ່າທ່ານ.
ໃນກິດຈະກຳດັ່ງກ່າວໄດ້ຈັດພິທີມອບທຶນການສຶກສາ"ມິດຕະພາບຈີນ-ມຽນມາ" ແລະງານວາງສະແດງຮູບພາບໃນຫົວຂໍ້ "ມິດຕະພາບຖານອ້າຍນ້ອງຍິ່ງໃກ້ຊິດຂຶ້ນກວ່າເກົ່າ" ແລະໄດ້ສາຍຮູບເງົາເອກະສານມິດຕະພາບຈີນ-ມຽນມາເລື່ອງ "ມິດຕະພາບຖານອ້າຍນ້ອງ,ຮ່ວມແຮງຮ່ວມໃຈສຳເລັດໜ້າທີ່ທີ່ສຳຄັນ".
ແຂກຜູ້ມີກຽດທີ່ເຂົ້າຮ່ວມໄດ້ເປັນເອກະພາບແລະພ້ອມຈະສຸມກຳລັງເຂົ້າໃນການຊຸກຍູ້ມິດຕະພາບລະຫວ່າງສອງປະເທດ, ຮ່ວມກັນສຶກສາອົບຮົມນ້ຳໃຈມິດຕະພາບຖານອ້າຍນ້ອງລະຫວ່າງສອງຝ່າຍໃຫ້ມີຊີວິດຊີວາແລະເຂັ້ມແຂງຍິ່ງຂຶ້ນ.
