ວັນທີ 8 ມິຖຸນານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານວຣາດີເມຍ ປູຕິນ ປະທານາທິບໍດີຣັດເຊຍຢູ່ນະຄອນຫຼວງອັສທານາປະເທດກາຊັກສະຖານ. ປະມຸກລັດສອງປະເທດກ່າວເນັ້ນວ່າສອງປະເທດຄວນເພີ່ມທະວີການແລກປ່ຽນແລະປະສານສົມທົບຢ່າງແໜ້ນແຟ້ນ, ເພື່ອຮ່ວມກັນຮັກສາສັນຕິພາບແລະສະຖຽນລະພາບຂອງພາກພື້ນ, ສອງຝ່າຍເຫັນດີລົງເລິກການຮ່ວມມືໃນຂົງເຂດຕ່າງໆຂອງອົງການຮ່ວມມືຊຽງໄຮຢ່າງຮອບດ້ານ, ແລະຮ່ວມກັນຊຸກຍູ້ໃຫ້ອົງການຮ່ວມມືຊຽງໄຮໄດ້ຮັບການພັດທະນາອີກເທື່ອໃໝ່.
ປະມຸກລັດສອງປະເທດຍັງໄດ້ແລກປ່ຽນຄວາມເຫັນກ່ຽວກັບບັນຫາອັຟການິສະຖານ, ສະຖານະການແຫຼມເກົາຫຼີແລະບັນຫາອື່ນໆທີ່ສອງຝ່າຍສົນໃຈຮ່ວມກັນຕື່ມອີກ.
