ກອງຕຳຫຼວດທະເລເຂດກວາງຊີ ສປ ຈີນ ເປີດເຜີຍໃນວັນທີ 9 ມິຖຸນານີ້ວ່າ, ນັບແຕ່ຕົ້ນປີເປັນຕົ້ນມາ, ເຈົ້າໜ້າທີ່ຂອງຕົນສາມາດມ້າງຂະບວນການຄ້າຂາຍເຖື່ອນໄດ້ 4 ເທື່ອ ໂດຍສາມາດຍຶດສິນຄ້າໄດ້ເປັນຈຳນວນຫຼາຍເຊັ່ນ ໜັງແຂ້ 1609 ແຜ່ນ, ຊີ້ນງູເຫຼືອມກວ່າ 529 ກິໂລ, ຕີນເປັດ ແລະອາຫານແຊ່ເຢັນອື່ນໆ 514 ໂຕນ ເຊິ່ງມີມູນຄ່າປະມານ 71 ລ້ານ 2 ແສນ 5 ໝື່ນຢວນ, ຂະນະດຽວກັນກໍສາມາດກັກແລະດຳເນີນຄະດີຕໍ່ຜູ້ລະເມີດກົດໝາຍໄດ້ 129 ກໍລະນີ.