ສະຖານທູດຈີນປະຈຳອິນໂດເນເຊຍ ແລະ ສະມາຄົມຜູ້ເຊື່ອຖືສາສະໜາອິສລາມອິນໂດເນເຊຍ ໄດ້ຮ່ວມກັນຊ່ວຍເຫຼືອປະຊາຊົນແຂວງບັນເຕັນອິນໂດເນເຊຍໂດຍການກໍ່ສ້າງໂຄງການສາທາລະນະປະໂຫຍດ ເພື່ອສະໜັບສະໜູນແຜນການ "ອະນາໄມຮອບດ້ານທີ່ຊີ້ນຳໂດຍເຂດຊຸມຊົນ" ຂອງລັດຖະບານອິນໂດເນເຊຍ ເພື່ອຕອບສະໜອງຄວາມຕ້ອງການຊົມໃຊ້ນ້ຳສະອາດ, ລະບົບການສ້າງອະນາໄມ. ທັງເປັນການແກ້ໄຂບັນຫາຂາດນ້ຳແລະຂາດຫ້ອງນ້ຳ.
ຂ່າວແຈ້ງວ່າ, ກ່ອນໜ້ານີ້ບໍ່ດົນ, ໂຄງການດັ່ງກ່າວທີ່ສຳເລັດການກໍ່ສ້າງແລະຕິດຕັ້ງນັ້ນ ປະກອບມີນ້ຳສ້າງ, ຖັງນ້ຳ, ອຸປະກອນຕອງນ້ຳ, ຫ້ອງນ້ຳ, ຫ້ອງອາບນ້ຳ ແລະອື່ນໆ ເຊິ່ງສາມາດສະໜອງນ້ຳສະອາດໃຫ້ປະຊາຊົນທ້ອງຖິ່ນໃນການບໍລິໂພກພ້ອມທັງສະໜອງຫ້ອງນ້ຳທີ່ໄດ້ຕາມມາດຖານອະນາໄມ.