ເອັກສໂປໂລກອັສທານາ 2017 ໄດ້ເປີດບໍລິການຢ່າງເປັນທາງການໃນວັນທີ 10 ມິຖຸນານີ້ ໂດຍມີ 115 ປະເທດແລະ 22 ອົງການຈັດຕັ້ງສາກົນເຂົ້າຮ່ວມ. ເອັກສໂປຄັ້ງນີ້ມີຫົວຂໍ້ວ່າ "ພະລັງງານໃໝ່ໃນອະນາຄົດ", ທຸກຝ່າຍທີ່ເຂົ້າຮ່ວມໄດ້ຮ່ວມກັນປຶກສາຫາລືການພັດທະນາແລະນຳໃຊ້ພະລັງງານໃໝ່, ສົ່ງເສີມແຜນການພັດທະນາແບບຍືນຍົງທີ່ມີປະສິດທິຜົນຫຼາຍກວ່າ,ເໝາສົມກວ່າແລະປະຕິບັດໄດ້, ເພື່ອຄົ້ນຄວ້າສະແຫວງຫາແຜນຜັງຮ່ວມມືພັດທະນາພະລັງງານໃໝ່ໃນອະນາຄົດ.
ເອັກສໂປໂລກຄັ້ງນີ້ຈະດຳເນີນໄປຮອດວັນທີ 10 ກັນຍາປີນີ້, ຄາດວ່າຈະດຶງດຸດນັກທ່ອງທ່ຽວຈາກປະເທດຕ່າງໆ 5 ລ້ານເທື່ອຄົນ. ນອກຈາກວາງສະແດງເຕັກນິກແນວໜ້າກວ່າໝູ່ໃນຂົງເຂດພະລັງງານໃໝ່ແລະຜົນການພັດທະນາຫຼ້າສຸດແລ້ວ, ເອັກສໂປໂລກອັສທານາຍັງສຸມໃສ່ການປະຢັດພະລັງງານແລະພັດທະນາພະລັງງານແສງຕາເວັນ ພະລັງງານລົມ ແລະພະລັງງານທີ່ເຂົ້າແທນໄດ້ປະເພດອື່ນໆ. ໃນໄລຍະວາງສະແດງຍັງຈະຈັດກອງປະຊຸມຫົວຂໍ້ສະເພາະ 12 ຄັ້ງ, ເຊິ່ງລວມມີກອງປະຊຸມລະດັບລັດຖະມົນຕີທີ່ມີຫົວຂໍ້ວ່າ "ຮັບປະກັນການພັດທະນາພະລັງງານແບບຍືນຍົງ", ກອງປະຊຸມສາກົນຂອງອົງການທ່ອງທ່ຽວໂລກທີ່ມີຫົວຂໍ້ວ່າ "ການທ່ອງທ່ຽວແລະພະລັງງານໃນອະນາຄົດ: ຫຼຸດການລະບາຍອັອກຊິເຊັນ" ແລະອື່ນໆ.
 |
