ວັນທີ 9 ມິຖຸນານີ້, ສະພານິຕິບັນຍັດແຫ່ງຊາດໄທໄດ້ຜ່ານຮັບຮອງຮ່າງກົດລະບຽບກ່ຽວກັບຄະນະກຳມະການເລືອກຕັ້ງສູນກາງ. ອີງຕາມມາດຕາທີ່ກ່ຽວຂ້ອງໃນນັ້ນ, ຫຼັງປະກາດປະຕິບັດຍັດຕິສະບັບດັ່ງກ່າວແລ້ວ, ຄະນະກຳມະການເລືອກຕັ້ງສູນກາງຊຸດປັດຈະຖືກສະຫຼາຍ, ກຳມະການ 5 ທ່ານຕ້ອງອອກຈາກຕຳແໜ່ງທັງໝົດ, ແລະເລືອກຕັ້ງຄະນະກຳມະການເລືອກຕັ້ງສູນກາງຊຸດໃໝ່.
ຄະນະກຳມະການເລືອກຕັ້ງສູນກາງຂອງໄທແມ່ນອົງການເອກະລາດທີ່ກຳເນີດໂດຍລັດຖະສະພາແລະຮັບການຕິດຕາມກວດກາຈາກກະຊວງພາຍໃນ, ຮັບຜິດຊອບວຽກງານເລືອກຕັ້ງແລະການຢັ່ງປະຊາມະຕິຂອງປະເທດ, ເພື່ອຮັບປະກັນຄວາມທ່ຽງທຳແລະຄວາມໂປ່ງໃສຂອງການເລືອກຕັ້ງ.
ການສຳຫຼວດປະຊາມະຕິສະບັບໜຶ່ງທີ່ສູນຄົ້ນຄວ້າຂອງມະຫາວິທະຍາໄລບາງກອກປະກາດຫຼ້າສຸດໄດ້ສະແດງໃຫ້ເຫັນວ່າ, ໃນປະຊາຊົນ 1205 ຄົນທີ່ຮັບການສຳຫຼວດນັ້ນ, ມີ 47.3% ບໍ່ເຫັນດີຕໍ່ການຍຸບຄະນະກຳມະການເລືອກຕັ້ງສູນກາງ, ເຊິ່ງຫຼາຍກວ່າຜູ້ເຫັນດີຄື 44.6% ນັ້ນໜ້ອຍໜຶ່ງ. ການສຳຫຼວດຍັງໃຫ້ຮູ້ວ່າ, ຜູ້ຖືກສຳຫຼວດສ່ວນຫຼາຍບໍ່ເຊື່ອວ່າ ການເລືອກຕັ້ງມີຄວາມທ່ຽງທຳແລະຄວາມໂປ່ງໃສ.
ຕໍ່ກັບຄວາມສົງໃສທີ່ວ່າ,ຄະນະກຳມະການເລືອກຕັ້ງສູນກາງຈະລ້າງໄພ້ ຄືນໃໝ່, ທ່ານປະຍຸດ ຈັນໂອຊາ, ນາຍົກລັດຖະມົນຕີໄທ, ຫົວໜ້າຄະນະກຳມະການຮັກສາຄວາມສະຫງົບແຫ່ງຊາດໄທກ່າວເນັ້ນວ່າ, ການກະທຳດັ່ງກ່າວນີ້ບໍ່ມີສ່ວນກ່ຽວຂ້ອງກັບການແກ່ຍາວອຳນາດຂອງລັດຖະບານຊຸດປັດຈຸບັນ.