ຕາມຂ່າວ CRI: ເຈົ້າໜ້າທີ່ຕຸລາການອີຮານລາຍງານໃນວັນທີ 10 ມິຖຸນານີ້ວ່າ, ພາກສ່ວນທີ່ກ່ຽວຂ້ອງໄດ້ຈັບຜູ້ຖືກສົງໄສ 8 ຄົນທີ່ກ່ຽວພັນກັບເຫດການໂຈມຕີແບບກໍ່ການຮ້າຍທີ່ເກີດຂຶ້ນຢູ່ນະຄອນຫຼວງເຕເຮຣານຂອງອີຮານ. ກ່ອນໜ້ານີ້ໃນວັນທີ 9 ມິຖຸນານີ້, ພາກສ່ວນຂ່າວກອງອີຣານກ່າວວ່າ, ຫຼັງເຫດການໂຈມຕີແບບກໍ່ການຮ້າຍເກີດຂຶ້ນ 48 ຊົ່ວໂມງ, ມີຜູ້ຖືກສົງໄສກໍ່ການຮ້າຍປະມານ 50 ຄົນຖືກຈັບ.
ບົດລາຍງານສະບັບໜຶ່ງທີ່ພາກສ່ວນຂ່າວກອງອີຣານເປີດເຜີຍໃນວັນທີ 9 ມິຖຸນານີ້ຊີ້ໃຫ້ເຫັນວ່າ, ໂດຍຜ່ານການເຄື່ອນໄຫວຕ້ານລັດທິກໍ່ການຮ້າຍຕ່າງໆ, ອີຣານໄດ້ຢືນຢັນແລະຈັບຜູ້ຖືກສົງໄສ 41 ຄົນ. ໃນບົດລາຍງານອີກສະບັບໜຶ່ງທີ່ພາກສ່ວນຂ່າວກອງອີຣານເປີດເຜີຍໃນມື້ດຽວກັນໄດ້ລະບຸວ່າ, ກອງທັບປ້ອງກັນຄວາມສະຫງົບ, ກອງປ້ອງກັນປະຕິວັດອິສຣາມແລະຕຳຫຼວດອີຣານໄດ້ຈັບຜູ້ຖືກສົງໄສ 7 ຄົນທີ່ເຂົ້າຮ່ວມການໂຈມຕີຕຶກລັດຖະສະພາອີຣານແລະທ່ານໂຮເມນີ ອະດີດຜູ້ນຳສູງສຸດອີຣານທີ່ເຖິງແກ່ກຳແລ້ວ.
ເຫດການໂຈມຕີແບບກໍ່ການຮ້າຍທີ່ເກີດຂຶ້ນຢູ່ນະຄອນຫຼງເຕເຮຣານຂອງອີຣານໃນວັນທີ 7 ມິຖຸນານີ້ໄດ້ເຮັດໃຫ້ 17 ຄົນເສຍຊີວິດແລະ 50 ກວ່າຄົນບາດເຈັບ.
 |
