ວັນທີ 11 ມິຖຸນານີ້, ສັບປະດາສິລະປະຈີນ-ອາຊີໃຕ້ແລະອາຊີຕາເວັນອອກສຽງໃຕ້ 2017 ທັງເປັນງານສິລະປະແມ່ນ້ຳລ້ານຊ້າງ-ແມ່ນ້ຳຂອງໄດ້ໄຂຂຶ້ນຢູ່ເມືອງຄຸນມິງຂອງປະເທດຈີນ. ໃນອາທິດຕໍ່ໜ້າ, ຄຸນມິງຈະຈັດງານວາງສະແດງຮູບເງົາອາຊີໃຕ້ແລະອາຊີຕາເວັນອອກສຽງໃຕ້ 2017, ງານວາງສະແດງຮູບຖ່າຍສາກົນຈີນ-ອາຊີໃຕ້ແລະອາຊີຕາເວັນອອກສຽງໃຕ້ 2017 ແລະກິດຈະກຳອື່ນໆ.
ໃນພິທີໄຂສັບປະດາດັ່ງກ່າວ, ຜູ້ຕາງໜ້າດ້ານຮູບເງົາ, ວິຈິດຕະສິນແລະຖ່າຍຮູບຈາກ 10 ປະເທດອາຊີໃຕ້ແລະອາຊີຕາເວັນອອກສຽງໃຕ້ເຊັ່ນບັງກະລາເດັດ, ອິນເດຍ, ໄທແລະອື່ນໆພ້ອມທັງແຂກທີ່ມີກຽວຈາກຈີນແລະຕ່າງປະເທດໄດ້ຮ່ວມກັນ, ປຶກສາຫາລືແລະແລກປ່ຽນຄວາມຄິດເຫັນກ່ຽວກັບການພັດທະນາຂະແໜງການສິລະປະຂອງປະເທດຕ່າງໆ.
ທ່ານກ່າວເຟີງ, ຮອງເຈົ້າແຂວງແຂວງຢຸນນານກ່າວໃນພິທີດັ່ງກ່າວວ່າ, ສິລະປະວັດທະນະທຳມີລັກສະນະ "ເປີດປະຕູແລະກວມລວມ" "ການຮ່ຳຮຽນເຊິ່ງກັນແລະກັນແລະຖອດຖອນບົດຮຽນເຊິ່ງກັນແລະກັນ", ນັ້ນເປັນການສືບທອດ "ນ້ຳໃຈເສັ້ນທາງສາຍໃໝ" ແລະຊຸກຍູ້ໃຫ້ "ຈິດໃຈຂອງປະຊາຊົນເຊື່ອມຈອດກັນ". ການແລກປ່ຽນດ້ານວັດທະນະທຳມີຜົນດີຕໍ່ການເພີ່ມຄວາມເຂົ້າໃຈກັນລະຫວ່າງປະຊາຊົນຂອງປະເທດຕ່າງໆ, ສາມາດສ້າງພື້ນຖານດ້ານຈິດໃຈແລະສັງຄົມໃຫ້ແກ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ". ຫວັງໃຫ້ຜູ້ຕາງໜ້າແລະນັກສິລະບິນຂອງປະເທດຕ່າງໆນຳໃຊ້ເວທີ "ງານສິລະປະແມ່ນ້ຳລ້ານຊ້າງ-ແມ່ນ້ຳຂອງ" ຢ່າງເຕັມທີ່, ເພີ່ມທະວີການແລກປ່ຽນແລະຮ່ວມມືດ້ານປະວັດທະນະທຳ.
 |
