ຂ່າວສານຈີນລາຍງານວ່າ: ທ່ານນາຈິບ ຕູນ ຣາຊັກ ນາຍົກລັດຖະມົນຕີມາເລເຊຍຢືນຢັນຢູ່ນະຄອນຫຼວງກົວລາລຳເປີໃນວັນທີ 11 ມິຖຸນານີ້ວ່າ: ເຫດໂຈມຕີກໍ່ການຮ້າຍທີ່ກໍ່ຂຶ້ນໃນນາມອິສລາມຫຼາຍຄັ້ງໃນແຫ່ງຕ່າງໆທົ່ວໂລກນັ້ນໄດ້ສ້າງຄວາມມືດມົນໃຫ້ອິສລາມເອງ.
ວັນດັ່ງກ່າວ, ທ່ານນາຈິບກ່າວທາງບລອກ(blog)ວ່າ, ມາເລເຊຍເປັນປະເທດອິສລາມທີ່ກ້າວໜ້າ, ນອກຈາກໃຫ້ຄວາມສຳຄັນຕໍ່ການພັດທະນາຮາດແວແລ້ວ, ຍັງຖືສຳຄັນການພັດທະນາສຸຂະພາບຂອງຄົນ. ບຸນເດືອນຖືສິນອົດທຸກປີຜ່ານມາລ້ວນແຕ່ມີຄວາມສັກສິດບໍລິສຸດແລະຈົບງາມ, ແຕ່ປີນີ້ພັດປົກຄຸມດ້ວຍເງົາມືດເນື່ອງຈາກການຫຼອນໂຈມຕີກໍ່ການຮ້າຍທີ່ຊາວມຸສລິມຫົວຮຸນແຮງຈຳນວນໜຶ່ງກໍ່ຂຶ້ນໃນນາມອິສລາມ. ທ່ານຊີ້ໃຫ້ເຫັນອີກວ່າ: ໃນຖານະເປັນຊາວມຸສລິມ,ຄວນປະຕິເສດທຸກໆເຈຕະນາທີ່ຕ້ອງການດຶງເອົາອິສລາມໄປກ່ຽວພັນກັບການກໍ່ການຮ້າຍແລະລັດທິຫົວຮຸນແຮງ.
ເຈົ້າໜ້າທີ່ຕຳຫຼວດມາເລເຊຍຢືນຢັນວ່າ ໄດ້ຍົກລະດັບໂດຍການເພີ່ມກຳລັງປ້ອງກັນຢ່າງເຂັ້ມງວດເພື່ອສະກັດກັ້ນການໂຈມຕີກໍ່ການຮ້າຍທຸກຮູບແບບ.
 |
