ຕາມຂ່າວສານຊິນຮວາ: ກະຊວງພາຍໃນປະເທດກາຕາເນັ້ນໃນວັນທີ 11 ມິຖຸນານີ້ວ່າ,ປະເທດຕົນຈະ "ປະຕິບັດຫຼັກການແລະການປະເມີນຄຸນຄ່າທີ່ມີຢູ່ແລ້ວ "ແລະຈະບໍ່ທຳລາຍຜົນປະໂຫຍດຂອງພົນລະເມືອງປະເທດທີ່ຕັດສາຍສຳພັນທາງການທູດກັບປະເທດຕົນ.
ກະຊວງພາຍໃນປະເທດກາຕາຖະແຫຼງໃນວັນດັ່ງກ່າວວ່າ,ປະເທດຕົນຈະບໍ່ໃຊ້ການກະທຳຕໍ່ "ພົນລະເມືອງຂອງປະເທດມິດຕະພາບອ້າຍນ້ອງ"ທີ່ຕັດສຳພັນການທູດກັບປະເທດຕົນທີ່ຢູ່ກາຕາແລະກໍຈະບໍ່ໃຊ້ມາດຕະການຫຼຸດລະດັບການຕ່າງປະເທດກັບປະເທດເຫຼົ່ານີ້.
ຖະແຫຼງການຍັງເນັ້ນວ່າ,ພົນລະເມືອງຂອງປະເທດທີ່ຕັດສາຍສຳພັນທີ່ດຳລົງຊີວິດຢູ່ກາຕາຈະມີເສລີພາບຢ່າງສົມບູນທີ່ຊອບຕາມກົດໝາຍຢູ່ກາຕາ.
ຂ່າວລາຍງານວ່າ,ອາຣັບບີຊາອຸດິດແລະສະຫະລັດອາຣັບເອມິເຣດເປັນຕົ້ນໄດ້ຮຽກຮ້ອງໃຫ້ພົນລະເມືອງປະເທດຕົນອອກຈາກກາຕາແລະຂະນະດຽວກັນກໍສັ່ງໃຫ້ພົນລະເມືອງກາຕາໃນປະເທດຕົນອອກປະເທດພາຍໃນ 14 ມື້ຫຼັງຕັດສາຍສຳພັນທາງການທູດ.