ຕາມຂ່າວສານຊິນຮວາ: ຍານດຳນ້ຳບັນທຸກຄົນ "ຈຽວຫຼົງ"ໄດ້ເຮັດໜ້າທີ່ດຳນ້ຳເທື່ອທີ 9 ໄລຍະທີ 3 ໃນການສຳຫຼວດທາງທະເລຂອງຈີນເທື່ອທີ 38 ເຊິ່ງສາມາດດຳລົງຮອດບ່ອນເລິກສຸດ 6583 ແມັດ.
ນັບແຕ່ການສຳຫຼວດທາງທະເລເປັນຕົ້ນມາ,ຍານດຳນ້ຳ "ຈຽວຫຼົງ"ໄດ້ເຮັດໜ້າທີ່ດຳນ້ຳເປັນເທື່ອທີ່ 151 ແລະກໍເປັນເທື່ອທີ 100 ນັບແຕ່ດຳເນີນການສຳຫຼວດເພື່ອທົດລອງດ້ານປະຍຸກເມື່ອປີ 2013 ເປັນຕົ້ນມາໂດຍໄດ້ດຳນ້ຳຢູ່ 6 ເຂດທະເລຄືທະເລຈີນໃຕ້,ເຂດອ່າງທະເລມະຫາສະໝຸດປາຊິກຟິກຕາເວັນອອກ,ເຂດຮ່ອງທະເລມະຫາສະໝຸດປາຊິກຟິກຕາເວັນຕົກ,ເຂດພູທະເລມະຫາສະໝຸດປາຊິກຟິກຕາເວັນຕົກ,ສັນຫຼັງມະຫາສະໝຸດອິນເດຍຕາເວັນຕົກສຽງໃຕ້ແລະສັນຫຼັງມະຫາສະໝຸດອິນເດຍຕາເວັນຕົກສຽງເໜືອ.
ກອງບັນຊາການດຳນ້ຳໄດ້ຕົກລົງໃຫ້ດຳເນີນການດຳນ້ຳເປັນເທື່ອສຸດທ້າຍໃນການສຳຫຼວດຢູ່ຮ່ອງທະເລຢັບໃນວັນທີ 13 ມິຖຸນານີ້ແລະກໍຖືວ່າເປັນເທື່ອສຸດທ້າຍໃນໄລຍະດຳນ້ຳເພື່ອທົດລອງດ້ານປະຍຸກ.
