ຕາມຂ່າວສານຊິນຮວາ:ທາງລົດໄຟໃຕ້ດິນຕອນທຳອິດຂອງສາຍຢຽນຝາງນະຄອນຫຼວງປັກກິ່ງເຊິ່ງເປັນທາງລົດໄຟອັດຕະໂນມັດຫຼືວ່າບໍ່ມີຄົນຂັບສາຍທຳອິດຂອງຈີນໄດ້ເລີ່ມທົດລອງແລ່ນໃນວັນທີ 12 ມິຖຸນານີ້ຂະນະດຽວກັນກໍຈະທົດລອງແລ່ນຕະຫຼອດສາຍແລະມີແຜນການເລີ່ມເປີດບໍລິການໃນທ້າຍປີນີ້.
ບໍລິສັດທີໜຶ່ງກຸ່ມບໍລິສັດທາງລົດໄຟຈີນຫຼືຈົ່ງເຖໃຫ້ຮູ້ວ່າ,ລົດໄຟສາຍຢຽນຝາງແລ່ນດ້ວຍຄວາມໄວ 80 ກິໂລແມັດຕໍ່ຊົ່ວໂມງປະກອບມີ 4 ຕູ້ແລະສາມາດບັນທຸກຜູ້ໂດຍສາຍໄດ້ຫຼາຍເຖິງ 1262 ຄົນ.
ຕາມຮູ້ວ່າ,ລົດໄຟທີ່ແລ່ນອັດຕະໂນມັດມີຈຸດດີກວ່າໝູ່ຄືສາມາດແລ່ນດ້ວຍຄວາມທ່ຽງບໍ່ວ່າຈະເປັນການອອກລົດ,ເລັ່ງຄວາມໄວ,ຈອດຫຼືລະຫວ່າງການແລ່ນໂດຍລະບົບຄອມພີວເຕີສາມາດຄວບຄຸມລົດໄຟໃຫ້ທຸກຂັ້ນຕອນແລ່ນໃຫ້ທ່ຽງເຊິ່ງຮັບປະກັນເຮັດໃຫ້ຜູ້ໂດຍສານມີຄວາມສະຫວາດສະເຫວີຍທີ່ສຸດ.