ຕາມຂ່າວສານຈີນ: ທ່ານຊຸນຈັນໂທ ລັດຖະມົນຕີກະຊວງໂຍທາທິການແລະຂົນສົ່ງລາຊະອານາຈັກກຳປູເຈຍກ່າວໃນໂອກາດຕ້ອນຮັບການເຂົ້າຢ້ຽມຄຳນັບຂອງຄະນະຜູ້ແທນກຸ່ມບໍລິສັດທີ 17 ທາງລົດໄຟຈີນ ວ່າ, ການຍົກລະດັບພື້ນຖານໂຄງລ່າງແລະເຊື່ອມຈອດກັນ ຈະມີບົດບາດສຳຄັນຕໍ່ການເລັ່ງຈັງຫວະການເຕີບໂຕຂອງເສດຖະກິດກຳປູເຈຍ ເຊິ່ງວິສາຫະກິດຈີນມີຄວາມສາມາດຮ່ວມກັບວິສາຫະກິດກຳປູເຈຍ ສຶກສາຄົ້ນຄວ້າຄວາມເປັນໄປໄດ້ໃນດ້ານນີ້ ແລະມີບາງຂໍ້ສະເໜີ ເພື່ອປັບປຸງສະພາບທາງລົດໄຟຂອງກຳປູເຈຍ.
ເວັບໄຊສື່ສານມວນຊົນທາງການຂອງກະຊວງໂຍທາທິການແລະຂົນສົ່ງກຳປູເຈຍລາຍງານວ່າ, ໃນການພົບປະ, ສອງຝ່າຍໄດ້ປຶກສາຫາລືໂຄງການລົງທຶນທີ່ຈະພັດທະນາພື້ນຖານໂຄງລ່າງທາງລົດໄຟພາຍໃນປະເທດກຳປູເຈຍ.
ຂະນະທີ່ໃນເດືອນພຶດສະພາປີນີ້, ກຸ່ມວິສາຫະກິດລາຊະອານາຈັກກຳປູເຈຍໄດ້ເຊັນ "ບົດບັນທຶກຄວາມເຂົ້າໃຈການຮ່ວມມື" ວ່າດ້ວຍການລົງທຶນກໍ່ສ້າງພື້ນຖານໂຄງລ່າງທາງລົດໄຟຂອງກຳປູເຈຍ ກັບກຸ່ມບໍລິສັດທີ 17 ທາງລົດໄຟຈີນ ແລະບໍລິສັດເສິນໂຈ່ວສາງເສິງຈີນຈຳກັດ.