ໜັງສືພິມ Gaarez ອິສຣາແອນສະບັບວັນທີ 12 ມິຖຸນານີ້ລາຍງານວ່າ:ວັນດຽວກັນ, ຄະນະປ້ອງກັນຊາດຂອງລັດຖະບານອິສຣາແອນໄດ້ຕົກລົງຫຼຸດສະໜອງໄຟຟ້າໃຫ້ເຂດກາຊາ.ຂະນະທີ່ເຈົ້າໜ້າທີ່ອາວຸໂສຂອງລັດຖະບານອິສຣາແອນທ່ານໜຶ່ງກ່າວວ່າ: ການຫຼຸດຜ່ອນການ ສະໜອງໄຟຟ້າໃຫ້ເຂດກາຊາປະມານ 40% ຈະເຮັດໃຫ້ເວລາໃຊ້ໄຟຟ້າຈາກ 6 ຊົ່ວໂມງຕໍ່ມື້ເຫຼືອພຽງ 2- 4 ຊົ່ວໂມງເທົ່ານັ້ນ.
ເຈົ້າໜ້າທີ່ທ່ານນີ້ຢືນຢັນວ່າ: ຂໍ້ຕົກລົງດັ່ງກ່າວເປັນຜົນພວງມາຈາການໄດ້ປະສານສົມທົບກັບທ່ານອາບັສ ປະທານາທິບໍດີປາແລັສຕິນແລ້ວເພື່ອເປັນມາດຕະການເພີ່ມຄວາມກົດດັນຕໍ່ກຸ່ມຕໍ່ຕ້ານອິສລານປາແລັສຕິນຫຼືຮາມາສທີ່ຄວບຄຸມເຂດກາຊາ.
ພາຍຫຼັງໂຮງງານໄຟຟ້າທີ່ມີພຽງໜຶ່ງແຫ່ງຂອງເຂດກາຊາຢຸດຜະລິດໄຟຟ້າເມື່ອກາງເດືອນເມສາປີນີ້ເປັນຕົ້ນມາ, ອິສຣາແອນໄດ້ກາຍເປັນຜູ້ສະໜອງໄຟຟ້າພຽງໜຶ່ງດຽວໃຫ້ແກ່ເຂດກາຊາ