ກອງປະຊຸມສຳມະນາການປະດິດສ້າງໃໝ່ວິທະຍາສາດເຕັກໂນໂລຊີ ກະສິກຳອາຊີໃຕ້ແລະອາຊີຕາເວັນອອກສຽງໃຕ້ທີ່ເນັ້ນການຮ່ວມມືແລະການ ເພີ່ມທະວີການປະດິດສ້າງໃໝ່ວິທະຍາສາດເຕັກໂນໂລຊີກະສິກຳ ເພື່ອບັນລຸການພັດທະນາຮ່ວມກັນນັ້ນໄດ້ຈັດຂຶ້ນຢູ່ເມືອງຄຸນໝິງແຂວງຢຸນນານ ສປ ຈີນໃນວັນທີ 12 ມິຖຸນານີ້ ໂດຍກອງປະຊຸມໄດ້ລົງນາມໃນຖະແຫຼງການຮ່ວມພ້ອມທັງປະກາດສ້າງຕັ້ງ "ສະຫະພັນປະດິດສ້າງໃໝ່ວິທະຍາສາດເຕັກໂນໂລຊີດ້ານກະສິກຳອາຊີໃຕ້-ອາຊີຕາເວັນອອກສຽງໃຕ້ຫຼື IAAST-SSA"ຢ່າງເປັນທາງການ.
"ສະຫະພັນປະດິດສ້າງໃໝ່ວິທະຍາສາດເຕັກໂນໂລຊີກະສິກຳອາຊີໃຕ້-ອາຊີຕາເວັນອອກສຽງໃຕ້" ແມ່ນເວທີແຫ່ງການຮ່ວມມືຫຼາຍຝ່າຍແບບສາກົນທີ່ບໍ່ຂຶ້ນກັບລັດຖະບານ,ບໍ່ສະແຫວງຫາປະໂຫຍດແລະເປີດປະຕູ. ເພື່ອເພີ່ມທະວີການຮ່ວມມືແລະການແລກປ່ຽນບົດຮຽນລະຫວ່າງບັນດາສະມາຊິກສະຫະພັນເປັນຕົ້ນ: ການເພາະແນວພັນພືດ,ການອະນຸລັກພືດ,ການຄົ້ນຄວ້ານະໂຍບາຍ,ການແບ່ງປັນຂໍ້ມູນຂ່າວສານແລະອື່ນໆ ທັງຊຸກຍູ້ການປະດິດສ້າງໃໝ່ວິທະຍາສາດເຕັກໂນໂລຊີກະສິກຳໃນອາຊີໃຕ້ແລະອາຊີຕາເວັນອອກສຽງໃຕ້ຕື່ມອີກ ກໍຄືຊຸກຍູ້ການພັດທະນາເສດຖະກິດ-ສັງຄົມຂອງປະເທດແລະເຂດແຄວ້ນໃນອາຊີໃຕ້ແລະອາຊີຕາເວັນອອກສຽງໃຕ້.
 |
