ງານມໍລະດົກວັດທະນະທຳທີ່ບໍ່ແມ່ນວັດຖຸສາກົນເສິງຕູ່ຈີນຄັ້ງທີ 6 ໄດ້ຈັດຂຶ້ນຢູ່ສວນວາງສະແດງມໍລະດົກວັດທະນະທຳທີ່ບໍ່ແມ່ນວັດຖຸເມືອງເສິງຕູ່ແຂວງເສສວນ ສປ ຈີນໃນວັນທີ 10 ມິຖຸນານີ້ແລະໃນໂອກາດດັ່ງກ່າວ, ຄະນະສິລະປະຈາກເມືອງຢຸ້ຍລີ້ກິ່ງແຂວງເຕີຫົງແຂວງຢຸນນານໄດ້ສະແດງການຟ້ອນນົກຍູງຂອງເຜົ່າລື້ເຊິ່ງເຮັດໃຫ້ຜູ້ຊົມຕື່ນຕາຕື່ນໃຈແລະຮຽກສຽງຕົບມືຊົມເຊີຍຢ່າງບໍ່ຂາດສາຍ.
ບົດຟ້ອນນົກຍູງເປັນສັນຍະລັກທີ່ເກົ່າແກ່ບູຮານແລະໂດດເດັ່ນທີ່ສຸດໃນສັງຄົມເຜົ່າລື້ ທັງເປັນເອກະລັກຂອງຊົນເຜົ່າທັງສ່ອງແສງໃຫ້ເຫັນຄ່ານິຍົມຄວາມງາມຂອງການຟ້ອນຕາເວັນອອກ. ຂະນະດຽວກັນບໍ່ພຽງແຕ່ສະແດງໃຫ້ເຫັນຈາລິຍະທຳແລະມູນເຊື້ອທີ່ດີງາມ,ໂອບອ້ອມອາລີແລະອື່ນໆແລ້ວຍັງເປັນສັນຍະລັກແຫ່ງການສະແຫວງຫາຄວາມເປັນສິລິມຸງຄຸນແລະຄວາມສຸກໃນຊີວິດອີກດ້ວຍ.
