ກອງປະຊຸມຖ່າຍທອດແລະເຊື່ອມຕໍ່ດ້ານເຕັກນິກຂອງອາຊີໃຕ້ແລະອາຊີຕາເວັນອອກສຽງໃຕ້ 2017 ໄດ້ຈັດຂຶ້ນຢູ່ເມືອງຄຸນມິງແຂວງຢຸນນານຈີນ ໂດຍວິສາຫະກິດຂອງແຂວງຢຸນນານ ກັບປະເທດໄທ ອິນເດຍແລະປະເທດອື່ນໆໄດ້ເຊັນສັນຍາຮ່ວມມືແລະຖ່າຍທອດເຕັກນິກໃນ 6 ໂຄງການ.
ໃນ 6 ໂຄງການດັ່ງກ່າວ, ໂຄງການຖ່າຍທອດເຕັກນິກສ້າງຕົວເມືອງທັນສະໄໝ, ໂຄງການຖ່າຍທອດເຕັກນິກ ແລະຜະລິດຕະພັນພະລັງງານແສງຕາເວັນ, ໂຄງການຮ່ວມມືເຕັກນິກພະລັງງານໃໝ່ແລະພະລັງງານທີ່ໃຊ້ຄືນໄດ້ ແລະໂຄງການຖ່າຍທອດເຕັກນິກລົດຖີບໝໍ້ໄຟ ໄດ້ຮັບຄວາມສົນໃຈສູງ ເຊິ່ງສະແດງໃຫ້ເຫັນວ່າວ່າ ແຂວງຢຸນນານ ສປ ຈີນແລະວິສຫາກິດອາຊີໃຕ້ ອາຊີຕາເວັນອອກສຽງໃຕ້ຈະເຮັດໃຫ້ການຮ່ວມມືວິທະຍາສາດເຕັກນິກເນັ້ນໃສ່ຂົງເຂດພະລັງງານໃໝ່ ແລະການສ້າງຕົວເມືອງທັນສະໄໝ.
ພາຍຫຼັງບໍລິສັດອຸປະກອນພະລັງງານແສງຕາເວັນ ຖ້າຍປຽວ ເມືອງອີ້ຊີ່ແຂວງຢຸນນານໄດ້ເຊັນສັນຍາຮ່ວມມືກັບປະເທດລາວແລະໄທມາແລ້ວນ ກໍ່ໄດ້ເຊັນສັນຍາກັບອິນເດຍຕື່ມອີກ ເຊິ່ງທ່ານຊຸຍຊຸນຮວາ ຜູ້ອຳນວຍການບໍລິສັດດັ່ງກ່າວໃຫ້ຮູ້ວ່າ, ການເຊັນສັນຍາເທື່ອນີ້ຈະສຸມໃສ່ການຮ່ວມມືດ້ານພະລັງງານແສງຕາເວັນແລະເຕັກນິກລົດໝໍ້ໄຟ, ນີ້ຖືວ່າແມ່ນທິດທາງຕົ້ນຕໍຂອງບໍລິສັດ. ໃນຕໍ່ໜ້າ ສອງຝ່າຍຈະສ້າງສາຂາບໍລິສັດຢູ່ອິນເດຍ ເພື່ອແນະນຳການຜະລິດສິນຄ້າ ແລະຊີ້ນຳທາງເຕັກນິກ ແລ້ວກ້າວໄປສູ່ການຮ່ວມກັນສ້າງໂຮງງານ.