ເວັບໄຊກະຊວງການຄ້າຈີນໃຫ້ຮູ້ວ່າ: ໜັງສືພິມວຽງຈັນທາມສ໌ຂອງສປປ ລາວສະບັບວັນທີ 7 ມິຖຸນານີ້ລາຍງານໂດຍອີງຕາມບົດລາຍງານຂອງກະຊວງຖະແຫຼງຂ່າວ,ການທ່ອງທ່ຽວແລະວັດທະນະທຳປະເທດຕົນວ່າ: ປີ 2016, ຍອດນັກທ່ອງທ່ຽວຈາກປະເທດສະມາຊິກອາຊຽນເຂົ້າມາທ່ຽວລາວມີເຖິງ 3 ລ້ານ 1 ແສນຄົນ ໃນນັ້ນສ່ວນຫຼາຍມາຈາກໄທແລະຫວຽດນາມ. ຂະນະດຽວກັນ,ກໍມີນັກທ່ອງທ່ຽວຈີນປະມານ 550.000ຄົນເຂົ້າມາທ່ຽວ. ຈາກນີ້, ລາວຈະເປີດກວ້າງການຮ່ວມມືການທ່ອງທ່ຽວກັບປະເທດສະມາຊິກອາຊຽນແລະຈີນຕື່ມອີກ ທັງຈະສຸມໃສ່ພັດທະນາແຫຼ່ງທ່ອງທ່ຽວໃນທົ່ວປະເທດ ເປັນຕົ້ນແຫຼ່ງທ່ອງທ່ຽວທາງວັດທະນະທຳແລະທຳມະຊາດອີກຫຼາຍແຫ່ງ.