ຕາມຂ່າວສານຈີນ:ເວລາປະມານ 13 ໂມງ 40 ນາທີຂອງວັນທີ 12 ມິຖຸນານີ້,ໄດ້ເກີດເຫດຖືປືນປຸ້ນອີກເທື່ອໜຶ່ງຢູ່ນະຄອນຫຼວງຈາກາຕາອິນໂດເນເຊຍໂດຍຄົນຮ້າຍສອງຄົນໄດ້ບຸກເຂົ້າເຮືອນຫຼັງໜຶ່ງຢູ່ດັງກະລັງຫວັງລັກເອົາລົດຈັກຮອນດາ ຄັນໜຶ່ງໃນເດີ່ນເຮືອນຫຼັງດັ່ງກ່າວ.
ຂ່າວແຈ້ງວ່າ,ຄົນຮ້າຍໄດ້ແລ່ນໜີຫຼັງເຫັນສອງແມ່ລູກຢູ່ໃນເຮືອນແລະຂະນະນັ້ນລູກສາວເຈົ້າຂອງເຮືອນໄດ້ຖືຟອຍແລ່ນອອກເຮືອນໄລ່ຕີຄົນຮ້າຍແລະໃນເວລາຕໍ່ມາ,ຄົນຮ້າຍຄົນໜຶ່ງໄດ້ຈົກປືນສັ້ນອອກມາແລ້ວຍິງຖືກເອິກສາວຄົນນັ້ນຈົນເສຍຊີວິດຄາທີ່.ຈາກນັ້ນຄົນຮ້າຍທັງສອງຈຶ່ງຂີ່ລົດຈັກຂອງຕົນແລ່ນອອກຈາກບ່ອນເກີດເຫດ.
ນີ້ແມ່ນເຫດການປຸ້ນແລະສັງຫານຄົນເປັນເທື່ອທີສອງທີ່ເກີດຂຶ້ນຢູ່ຈາກາຕາພາຍໃນເວລາ 4 ມື້ເຊິ່ງເຈົ້າໜ້າສຳນັກງານໃຫຍ່ກົມຕຳຫຼວດແຫ່ງຊາດອິນໂດເນເຊຍກ່າວວ່າ,ປັດຈຸບັນພວມຢູ່ໃນໄລຍະເດືອນຖືສິນອົດແລະໃກ້ສິ້ນສຸດບຸນດັ່ງກ່າວຈຶ່ງເຮັດໃຫ້ການປຸ້ນແລະການກໍ່ອາຊະຍາກຳດ້ວຍຄວາມຮຸນແຮງເກີດຂຶ້ນຢ່າງຕໍ່ເນື່ອງ,ຈາກນີ້,ເຈົ້າໜ້າທີ່ຕຳຫຼວດຈະສຸມໃສ່ບໍລິການປ້ອງກັນຜູ້ທີ່ຖືເງິນສົດເປັນຈຳນວນຫຼາຍໂດຍບໍ່ເສຍຄ່າແລະຖ້າຜູ້ໃດຕ້ອງການກໍສາມາດໂທຫາເຂດຕຳຫຼວດ,ສຳນັກງານຕຳຫຼວດຫຼືກົມຕຳຫຼວດແລະສາມາດໃຫ້ທະນາຄານຕິດຕໍ່ກັບຕຳຫຼວດທ້ອງຖິ່ນເພື່ອຂໍໃຫ້ສົ່ງເຈົ້າໜ້າທີ່ຕຳຫຼວດຄຸ້ມຄອງ.