ສ.ເກົາຫຼີກາຍເປັນແຫຼ່ງລົງທຶນທີ່ໃຫຍ່ກວ່າໝູ່ຂອງຫວຽດນາມ
2017-06-14 22:20:37 cri
ເວັບໄຊກະຊວງການຄ້າຈີນລາຍງານວ່າ: ສຳນັກຂ່າວສານຫວຽດນາມລາຍງານໃນວັນທີ 12 ມິຖຸນານີ້ວ່າ,ບໍລິສັດສົ່ງເສີມການຄ້າແລະການລົງທຶນສ.ເກົາຫຼີຫຼື KOTRA ໄດ້ເປີດເຜີຍວ່າ,ມາຮອດທ້າຍປີ 2016,ປະເທດຕົນໄດ້ລົງທຶນຢູ່ຫວຽດນາມຫຼາຍກວ່າ 50 ຕື້ໂດລາສະຫະລັດແລະ ກາຍເປັນແຫຼ່ງທຶນທີ່ໃຫຍ່ກວ່າໝູ່ຂອງຫວຽດນາມ. ລາຍງານລະບຸວ່າ,ນັບແຕ່ປີ 1988 ຮອດທ້າຍປີ 2016,ວິສາຫະກິດປະເທດດັ່ງກ່າວໄດ້ຫຼັ່ງໄຫຼເຂົ້າໄປລົງທຶນເຖິງ 50 ຕື້ 500 ລ້ານໂດລາສະຫະລັດໂດຍກວມເອົາຍອດມູນຄ່າການລົງທຶນຈາກຕ່າງປະເທດຢູ່ປະເທດຕົນ 30,8%ແລະໃນ 5773 ໂຄງການນັ້ນຕົ້ນຕໍໄດ້ລົງທຶນໃສ່ຂົງເຂດອຸດສາຫະກຳການຜະລິດ71%,ອະສັງຫາລິ ມະຊັບ 14,8%,ການກໍ່ສ້າງ 5,4%.ຂະນະທີ່ຍີ່ປຸ່ນລົງທຶນຢູ່ຫວຽດນາມ 42 ຕື້ 400 ລ້ານໂດລາສະຫະລັດເປັນອັນດັບສອງ,ສິງກະໂປ 38 ຕື້ 200 ລ້ານໂດລາສະຫະລັດເປັນອັນດັບ 3 ,ໄຕ້ຫວັນຈີນ 31 ຕື້ 800 ລ້ານໂດລາສະຫະລັດເປັນອັນດັບ 4 ແລະໝູ່ເກາະເວີຈິນທີ່ຂຶ້ນກັບອັງກິດ 20 ຕື້ 400 ລ້ານໂດລາສະຫະລັດເປັນອັນດັບ 5.
