ເຄື່ອງໝາຍອະນຸລັກສິ່ງແວດລ້ອມແມ່ນສິ່ງສຳຄັນໃນການບໍລິໂພກສີຂຽວຂອງຈີນ, ມີຜົນດີຕໍ່ການຊຸກຍູ້ໃຫ້ວິສາຫະກິດຫຼຸດການລະບາຍມົນລະພິດແລະການປະຢັດໃຊ້ຊັບພະຍາກອນແລະພະລັງງານ. ດ້ວຍຄວາມສຳຄັນດັ່ງກ່າວແລະມາຮອດປັດຈຸບັນ, ຈີນມີແຜນອອກມາດຕະຖານຜະລິດຕະພັນ 99 ຂໍ້, ແຕ່ໄດ້ມີຜະລິດຕະພັນ 4 ແສນກວ່າຊະນິດຈາກວິສາຫະກິດ 4000 ກວ່າແຫ່ງສາມາດໄດ້ຜ່ານການກວດກາເຄື່ອງໝາຍອະນຸລັກສິ່ງແວດລ້ອມ.
ທ່ານເຢີນຢຸງ, ຫົວໜ້າສູນອະນຸລັກສິ່ງແວດລ້ອມມິດຕະພາບຈີນ-ຍີ່ປຸ່ນຂອງກະຊວງອະນຸລັກສິ່ງແວດລ້ອມຈີນກ່າວວ່າ, ການບໍລິໂພກສີຂຽວກໍຄືຮູບການບໍລິໂພກທີ່ປະຢັດຊັບພະຍາກອນແລະເປັນມິດຕໍ່ສິ່ງແວດລ້ອມ.
ໂດຍເລີ່ມແຕ່ປີ 2006, ຈີນໄດ້ຈັດຜະລິດຕະພັນທີ່ມີເຄື່ອງໝາຍອະນຸລັກສິ່ງແວດລ້ອມເຂົ້າໃນບັນຊີຈັດຊື້ຂອງລັດຖະບານ. ແລະຮອດປີ 2015, ຜະລິດຕະພັນທີ່ມີເຄື່ອງໝາຍອະນຸລັກສິ່ງແວດລ້ອມຂອງຈີນໄດ້ກວມ 81,5% ຂອງຜະລິດຕະພັນປະເພດດຽວກັນໃນການຈັດຊື້ຂອງລັດຖະບານຈີນ.