ຕາມຂ່າວສານຊິນຮວາ: ສຳນັກງານທ່ອງທ່ຽວຈີນປະຈຳບາງກອກໄດ້ເປີດຂຶ້ນຢ່າງເປັນທາງການຢູ່ບາງກອກໃນຕອນເຊົ້າວັນທີ 14 ມິຖຸນານີ້ແລະຖືວ່າເປັນແຫ່ງທີ 22 ທີ່ອົງການທ່ອງທ່ຽວແຫ່ງຊາດຈີນສ້າງຕັ້ງຂຶ້ນຢູ່ຕ່າງປະເທດ.
ທ່ານຫວັງສຽວເຟີງ ຮອງຫົວໜ້າອົງການທ່ອງທ່ຽວແຫ່ງຊາດຈີນກ່າວໃນໂອກາດເຂົ້າຮ່ວມພິທີເປີດວ່າ,ໄທເປັນປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ທັງມີຊັບພະຍາກອນທຳມະຊາດທີ່ອຸດົມສົມບູນແລະວັດທະນະທຳທີ່ມີເອກະລັກຂອງຕົນ. ຂະນະດຽວກັນກໍເປັນໜຶ່ງໃນປະເທດທີ່ກາຍເປັນເປົ້າໝາຍການທ່ອງທ່ຽວກ່ອນໝູ່ຂອງພົນລະເມືອງຈີນທັງເປັນແຫຼ່ງນັກທ່ອງທ່ຽວແລະເປົ້າໝາຍການທ່ອງທ່ຽວທີ່ສຳຄັນກັບຈີນ.ການສ້າງຕັ້ງສຳນັກງານທ່ອງທ່ຽວຢູ່ບາງກອກເປັນຜົນມາຈາກການແລກປ່ຽນການທ່ອງທ່ຽວລະຫວ່າງສອງປະເທດແລະເປັນຜົນຈາກການລົງເລິກກໍ່ສ້າງ "ໜຶ່ງແລວທາງໜຶ່ງເສັ້ນທາງ".
ສຳນັກງານທ່ອງທ່ຽວຈີນປະຈຳບາງກອກມີໜ້າທີ່ໂຄສະນາປະຊາສຳພັນການທ່ອງທ່ຽວປະເທດຈີນແລະຮັບຜິດຊອບການສຳຫຼວດຕະຫຼາດການທ່ອງທ່ຽວແລະການໂຄສະນາປະຊາສຳພັນ.