ຕາມຂ່າວສານຊິນຮວາ: ທ່ານໂຣເບີດ ເປັບເປີ ເຈົ້າໜ້າທີ່ປະສານງານການຊ່ວຍເຫຼືອແລະພັດທະນາແບບມະນຸດສະທຳຂອງອົງການສະຫະປະຊາຊາດປະຈຳເຂດທີ່ຖືກຍຶດຄອງຂອງປາແລັສຕິນເຕືອນໃນວັນທີ 14 ມິຖຸນານີ້ວ່າ,ຖ້າອິດສະລະແອນຕົກລົງຫຼຸດການສະໜອງໄຟຟ້າໃຫ້ແກ່ເຂດກາຊາຍ່ອມຈະເຮັດໃຫ້ການບໍລິການທີ່ເປັນພື້ນຖານສຳຄັນເຊັ່ນສາທາລະນະສຸກ,ການສະໜອງນ້ຳແລະການບຳບັດນ້ຳເປື້ອນເປັນຕົ້ນເປັນອຳມະພາດແລະຈະສົ່ງ "ຜົນກະທົບຮ້າຍແຮງ"ໃຫ້ແກ່ເຂດດັ່ງກ່າວ.
ແນວໃດກໍດີ,ທ່ານເປັບເປີຮຽກຮ້ອງໄດ້ອົງການປົກຄອງແຫ່ງຊາດປາແລັສຕິນຫຼື PNA ,ຂະບວນການອິສລາມຕໍ່ຕ້ານຂອງປາແລັສຕິນຫຼື HAMAS ແລະອິດສະລາແອນໂດຍໃຫ້ທັງສາມຝ່າຍຖືເອົາຜົນປະໂຫຍດລວມຂອງພົນລະເມືອງເຂດກາຊາເປັນສຳຄັນແລະພົນລະເມືອງເຂດກາຊາກໍບໍ່ຄວນການເປັນເຫຍື່ອຂອງການຕໍ່ສູ້ທາງການເມືອງ.
ເມື່ອມໍ່ໆມານີ້,ຄະນະລັດຖະບານຄວາມໝັ້ງຄົງອິດສະລະແອນໄດ້ຕົກລົງຫຼຸດການສະໜອງໄຟຟ້າປະມານ 40% ໃຫ້ແກ່ເຂດກາຊາໂດຍຈະເຮັດໃຫ້ເວລາສະໜອງໄຟຟ້າຫຼຸດຈາກ 6 ຊົ່ວໂມງເປັນ 2 ຫາ 4 ຊົ່ວໂມງຕໍ່ມື້.