ຕາມຂ່າວສານຊິນຮວາ: ທະນາຄານກາງເອີລົບຖະແຫຼງໃນວັນທີ 13 ມິຖຸນານີ້ວ່າ, ຫົກເດືອນຕົ້ນປີນີ້, ທະນາຄານຕົນໄດ້ເພີ່ມຄັງສຳຮອງເງິນຢວນຈີນທີ່ມີມູນຄ່າ 500 ລ້ານເອີໂຣ.
ຖະແຫຼງການລະບຸວ່າ, ໃນຫຼາຍປີມໍ່ໆມານີ້, ເງິນຢວນຈີນໄດ້ນຳໃຊ້ເປັນເງິນຕາສາກົນນັບມື້ຫຼາຍຂຶ້ນ ແລະການທີ່ທະນາຄານຕົນເພີ່ມຄັງສຳຮອງເງິນຢວນຈີນນັ້ນເປັນການສ່ອງແສງໃຫ້ເຫັນເຖິງຄວາມສຳຄັນຂອງຈີນທີ່ເປັນໜຶ່ງໃນຄູ່ການຄ້າໃຫຍ່ທີ່ສຸດຂອງເຂດໃຊ້ເງິນເອີໂຣ.
ຖະແຫຼງການຍັງລຸບຸອີກວ່າ, ເນື່ອງຈາກທະນາຄານກາງເອີລົບໄດ້ຂາຍຄັງສຳຮອງເງິນຕາອື່ນໆ ເຊິ່ງລວມທັງໂດລາສະຫະລັດ ແລະຊື້ເງິນຢວນຈີນທີ່ມີລາຄາເທົ່າກັນ, ນັ້ນໄດ້ເຮັດໃຫ້ຍອດຄັງສຳຮອງເງິນຕາຕ່າງປະເທດຍັງຮັກສາຂະໜາດຄືເກົ່າ. ປັດຈຸບັນ, ໂດລາສະຫະລັດໄດ້ກວມອັດຕາສ່ວນຫຼາຍທີ່ສຸດໃນຄັງສຳຮອງຂອງທະນາຄານກາງເອີລົບ, ຂະນະດຽວກັນກໍຍັງມີເງິນເຢັນຍີ່ປຸ່ນ, ເງິນຢວນຈີນ, ຄຳ ແລະSDR ອີກດ້ວຍ.