"ບົດລາຍງານການລົງທຶນໂລກປີ 2017" ທີ່ສະພາການຄ້າແລະການພັດທະນາອົງການສະຫະປະຊາຊາດ ຫຼື UNCTAD ເຜີຍແຜ່ໃນວັນທີ 7 ມິຖຸນານີ້ຊີ້ໃຫ້ເຫັນວ່າ, ເຖິງວ່າລັດທິປົກປ້ອງການຄ້າໃນທົ່ວໂລກນັບມື້ຮ້າຍແຮງ, ແຕ່ປະເທດໃນອາຊີຕາເວັນອອກສຽງໃຕ້ພັດໄດ້ກາຍເປັນຈຸດສຸມຂອງການລົງທຶນໂດຍກົງຈາກຕ່າງປະເທດ ໂດຍຄາດວ່າ ອິນໂດເນເຊຍ, ໄທ, ຟີລິບປິນ, ຫວຽດນາມ ແລະສິງກະໂປຈະກາຍເປັນຈຸດສຸມຂອງການລົງທຶນຕ່າງປະເທດໃນອະນາຄົດ.
ນອກນີ້, ບົດລາຍງານຍັງໄດ້ຊີ້ໃຫ້ເຫັນຈຸດໝາຍປາຍທາງທີ່ໄດ້ຮັບຄວາມນິຍົມທີ່ສຸດຈາກທຶນຕ່າງປະເທດນັ້ນກໍຍັງຄົງແມ່ນອາເມລິກາ, ຈີນ ແລະອິນເດຍ. ຂະນະດຽວກັນ ບົດລາຍງານກໍໄດ້ວິເຄາະຕື່ມວ່າ, ເນື່ອງຈາກຈີນໄດ້ເປີດກວ້າງຂົງເຂດການລົງທຶນໃຫ້ແກ່ນັກລົງທຶນຕ່າງປະເທດຫຼາຍກວ່າເກົ່າ ເຊັ່ນ: ອຸດສາຫະກຳບໍ່ແຮ່, ການກໍ່ສ້າງພື້ນຖານໂຄງລ່າງ, ການທະນາຄານ, ອຸດສາຫະກຳການຜະລິດ ແລະອື່ນໆ ເຊິ່ງກໍຄາດວ່າປີນີ້ອາດຈະມີທຶນຕ່າງປະເທດໄຫຼເຂົ້າຈີນຫຼາຍກວ່າເກົ່າ.