ກາງເດືອນມິຖຸນາເປັນໄລຍະທີ່ ເຂົ້າເບລໃນເນື້ອທີ່ກວ່າ 7 ເຮັກຕາຂອງວັດເຊົາຫຼິນ ແຂວງເຮີນານ ສປ ຈີນສຸກເຫຼືອງດີ. ດັ່ງນັ້ນໃນວັນທີ 15 ມິຖຸນານີ້, ຢູ່ທົ່ງນາເຂົ້າເບລຂອງນິຄົມສານເກິ່ງວັດເຊົາຫຼິນມີບັນຍາກາດຄຶກຄັກໂດຍພະ 100 ກວ່າອົງໄດ້ລົງກ່ຽວເຂົ້າແລະຫຼັງຟາດແລ້ວກໍນຳເຂົ້າເປືອກໃສ່ສອບ, ແບກຂຶ້ນລົດເພື່ອຂົນເມືອໄວ້ຢູ່ວັດ. ຂ່າວແຈ້ງວ່າ: ພະວັດເຊົາຫຼິນຍຶດການກຸ້ມຕົນເອງໂດຍການເຫັນວ່າ ການປູກຝັງກໍເປັນດັ່ງການຝຶກແອບການຈຳສິນແບບໜຶ່ງ. ການໃຫ້ຄວາມສຳຄັນທັງການຝຶກແອບຈຳສິນແລະການອອກແຮງງານໄປພ້ອມກັນເປັນມູນເຊື້ອຂອງວັດເຊົາຫຼິນ, ແລະຂະນະດຽວກັນຕ່າງກໍຍຶດໝັ້ນຄະຕິເຕືອນໃຈວ່າ "ມື້ໃດບໍ່ອອກແຮງງານມື້ນັ້ນກໍບໍ່ກິນເຂົ້າ"