ໜັງສືພິມ "ເຈັດວັນ" ຂອງມຽນມາລາຍງານໂດຍອ້າງຕາມການເປີດເຜີຍຂອງທ່ານໂຈອັງ ຫົວໜ້າກົມຂອງກະຊວງໄຟຟ້າແລະພະລັງງານມຽນມາກ່າວວ່າ, ປະເທດຕົນກຽມອອກນະໂຍບາຍພະລັງງານ 10 ຂໍ້ໃນໄວໆນີ້.
ນະໂຍບາຍພະລັງງານດັ່ງກ່າວເປັນແນວຄິດລິເລີ່ມຂອງທ່ານນາງອອງຊານຊູຈີ, ທີ່ປຶກສາແຫ່ງລັດມຽນມາດ້ວຍຫວັງການປະຢັດພະລັງງານແລະແນະນະການນຳໃຊ້ພະລັງງານໃຫ້ເປັນບູລິມະສິດທັງນີ້. ນະໂຍບາຍດັ່ງກ່າວຈະເນັ້ນລິເລີ່ມແລະເຜີຍແຜ່ການນຳໃຊ້ດອກໄຟ LED, ເພື່ອຫຼຸດການຊົມໃຊ້ໄຟຟ້າໃຫ້ໄດ້ 30%, ຂະນະທີ່ການໃຊ້ໄຟຟ້າພະລັງງານນ້ຳຕົກໄດ້ກາຍເປັນບູລິມະສິດ, ຖັດມາແມ່ນໃຊ້ອາຍແກັສທຳມະຊາດແລະພະລັງງານໝູນວຽນ, ສ່ວນຖ່ານຫີນແມ່ນພະລັງງານທາງເລືອກສຸດທ້າຍ.
ຂ່າວແຈ້ງວ່າ, ມຽນມາເລີ່ມວາງນະໂຍບາຍພະລັງງານແຫ່ງຊາດເມື່ອປີ 2013, ແລະໄດ້ກຳນົດລະບຽບການໃນເດືອນມັງກອນປີ 2015.
 |
