ວັນທີ 15 ມິຖຸນານີ້, ສະມັດຊາໃຫຍ່ອົງການສະຫະປະຊາຊາດໄດ້ຮັບຮອງມະຕິວ່າດ້ວຍການຕົກລົງປັບປຸງຂອບຕໍ່ຕ້ານລັດທິກໍ່ການຮ້າຍທີ່ຂຶ້ນກັບອົງການສະຫະປະຊາຊາດຄືນໃໝ່, ແລະສ້າງຕັ້ງຫ້ອງການຕໍ່ຕ້ານລັດທິກໍ່ການຮ້າຍ, ເພື່ອປະສານສົມທົບກັບຄວາມພະຍາຍາມຂອງຝ່າຍຕ່າງໆໃນອົງການສະຫະປະຊາຊາດກ່ຽວກັບວຽກງານນີ້, ທັງເພື່ອເພີ່ມທະວີການສະໜັບສະໜູນຕໍ່ການເພີ່ມຄວາມສາມາດຕ້ານລັດທິກໍ່ການຮ້າຍຂອງປະເທດສະມາຊິກ.
ທ່ານອັນໂຕນິໂອ ກູເທີເລສ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການຊົມເຊີຍສະມັດຊາໃຫຍ່ອົງການສະຫະປະຊາຊາດທີ່ໄດ້ຮັບຮອງມະຕິດັ່ງກ່າວໂດຍຜ່ານໂຄສົກຂອງຕົນ. ໂດຍຖະແຫຼງການລະບຸວ່າ, ການຕໍ່ຕ້ານລັດທິກໍ່ການຮ້າຍແລະປາບປາມລັດທິຫົວຮຸນແຮງດ້ວຍກຳລັງຮຸນແຮງແມ່ນວຽກບູລິມະສິດເພື່ອຮັບມືກັບໄພຂົ່ມຂູ່ຕໍ່ສັນພິພາບແລະສະຖຽນລະພາບຂອງໂລກ, ແລະຫວັງວ່າການຕົກລົງເທື່ອນີ້ຈະສາມາດຊຸກຍູ້ຄວາມພະຍາຍາມຂອງອົງການສະຫະປະຊາຊາດໃນການປ້ອງກັນການປະທະກັນ, ແລະເພື່ອຊຸກຍູ້ສັນຕິພາບ ແລະການພັດທະນາຢ່າງຖາວອນ.
ປີ 2006, ປະເທດສະມາຊິກອົງການສະຫະປະຊາຊາດໄດ້ຮັບຮອງ "ຍຸດທະສາດຕ້ານລັດທິກໍ່ການຮ້າຍທົ່ວໂລກຂອງອົງການສະຫະປະຊາຊາດ", ເພື່ອປະສານສົມທົບແລະເພີ່ມທະວີຄວາມພະຍາຍາມຂອງປະເທດສະມາຊິກໃນການຕໍ່ຕ້ານລັດທິກໍ່ການຮ້າຍ.
 |
