ວັນທີ 15 ມິຖຸນານີ້, ທ່ານວຣາດິເມຍ ປູຕິນ ປະທານາທິບໍດີຣັດເຊຍໄດ້ພົບປະຊາຊົນໂດຍຜ່ານການຖ່າຍທອດສົດທາງໂທລະພາບ, ແລະຕອບຄຳຖາມທີ່ປະຊາຊົນສົນໃຈໂດຍໃນໄລຍະ 4 ຊົ່ວໂມງ, ທ່ານໄດ້ຕອບຄຳຖາມ 73 ຂໍ້.
"ລາຍການລົມກັບທ່ານປູຕິນໂດຍກົງ" ເລີ່ມຈັດຂຶ້ນເມື່ອປີ 2001 ເຊິ່ງເປັນໄລຍະດຳລົງຕຳແໜ່ງປະທານາທິບໍດີຄັ້ງທຳອິດຂອງທ່ານປູຕິນ, ແຕ່ປີ 2004 ແລະປີ 2012 ໄດ້ງົດລາຍການນີ້. ເນື່ອງຈາກລາຍການດັ່ງກ່າວມີຜູ້ຊົມເປັນຈຳນວນຫຼາຍແລະໄດ້ຮັບຄວາມນິຍົມສູງ, ສື່ມວນຊົນຣັດເຊຍຖືວ່າລາຍການດັ່ງກ່າວຄືການສະແດງທັດສະນະຂອງທ່ານປູຕິນທີ່ "ຮັບຟັງຄວາມເຫັນ ແລະໃກ້ຊິດກັບປະຊາຊົນ".