ເກີດອຸບັດເຫດກຳປັ່ນຮົບອາເມລິກາຕຳກຳປັ່ນຂົນສົ່ງສິນຄ້າຟີລິບປິນ

ຂ່າວສານກຽວໂດຍີ່ປຸ່ນລາຍງານວ່າ: ກຳປັ່ນFitzgeraldຂອງກອງກຳປັ່ນທີ 7 ຂອງກອງທຳເຮືອອາເມລິກາໄດ້ຕຳກັບກຳປັ່ນຂົນສົ່ງສິນຄ້າຟີລິບປິນລຳໜຶ່ງຢູ່ທະເລໃກ້ຍີ່ປຸ່ນໃນຕອນຮຸ່ງເຊົ້າວັນທີ 17 ມິຖຸນານີ້ ເຊິ່ງປັດຈຸບັນເຫດດັ່ງກ່າວໄດ້ເຮັດໃຫ້ 1 ຄົນຢູ່ໃນກຳປັ່ນຣົບອາເມລິກາໄດ້ຮັບບາດເຈັບ, ອີກ 7 ຄົນຫາຍສາບສູນ.

ຂ່າວແຈ້ງວ່າ, ຫຼັງເກີດເຫດດັ່ງກ່າວ, ກົມປ້ອງກັນຄວາມປອດໄພທາງທະເລຍີ່ປຸ່ນໄດ້ສົ່ງໜ່ວຍກູ້ໄພໄປບ່ອນເກີດເຫດ ທັງຫາລືກັບເຈົ້າໜ້າທີ່ທະຫານອາເມລິກາເພື່ອຢືນຢັນສະພາບຕົວຈິງຂອງອຸບັດເຫດເທື່ອນີ້. ມາຮອດປັດຈຸບັນຍັງບໍ່ທັນມີການລາຍງານກ່ຽວກັບຄົນຢູ່ໃນກຳປັ່ນຂົນສົ່ງສິນຄ້າຟີລິບປິນໄດ້ຮັບບາດເຈັບເທື່ອ, ກຳປັ່ນສອງລຳໃນອຸບັດເຫດນັ້ນບໍ່ມີບັນຫານ້ຳມັນຮົ່ວແລະບໍ່ມີຄວາມສ່ຽງຈະຫຼົ້ມ.