ລົດໄຟສາກົນຈີນ-ເອີຣົບຈາກເມືອງສາງຊ່າ ສປ ຈີນມຸ່ງໜ້າສູ່ບູດາແປັດສຂະບວນທຳອິດໄດ້ເດີນທາງໄປເຖິງສູນຂົນສົ່ງສິນຄ້າແບບປະສົມນະຄອນຫຼວງບູດາແປັສປະເທດຮົງກາຣີໃນຕອນເຊົ້າວັນທີ 16 ມິຖຸນານີ້ ເຊິ່ງເປັນລົດໄຟຈີນ-ເອີຣົບຂະບວນທຳອິດຂອງຈີນທີ່ຜ່ານອູແກຣນເຂົ້າສູ່ປະເທດສະຫະພາບເອີຣົບ.
ຂະບວນລົດໄຟດັ່ງກ່າວອອກຈາກເມືອງສາງຊ່າ ແຂວງຫູນານໃນວັນທີ 27 ພຶດສະພາຜ່ານມາໂດຍນຳເອົາຕູ້ບັນທຸກສິນຄ້າຕ່າງໆເປັນຕົ້ນ ຜະລິດຕະພັນເອເລັກໂຕຣນິກ,ເກີບ, ເສື້ອອາພອນ,ສາຍກາບໃຍແສງ,ເຄື່ອງໂລຫະ,ອາໄລ່ຊິ້ນສ່ວນກົນຈັກແລະອື່ນໆລວມທັງໝົດ 41 ຕູ້,ເດີນໄລຍະທາງທັງໝົດ 1 ໝື່ນກິໂລແມັດໂດຍຜ່ານປະເທດມົງໂກລີ,ຣັດເຊຍ,ອູແກຣນແລະສະໂລວັກ ແລະເປັນເສັ້ນທາງຂະບວນລົດໄຟຈີນ-ເອີຣົບທີ່ອອກຈາກແຂວງຫູນານສາຍທີ 6 ຫຼັງໄດ້ເປີດຂະບວນລົດໄປເມືອງແຮມເບີກປະເທດເຢຍລະມັນ,ນະຄອນຫຼວງວັກໂຊວີປະເທດໂປໂລຍ,ນະຄອນຫຼວງມົສກູ ປະເທດຣັດເຊຍ, ນະຄອນຫຼວງຕັສເກັນປະເທດອຸສເບກີສະຖານແລະນະຄອນຫຼວງມິງສກ໌ ເບລາຣູຊີ.
ວັນທີ 21 ເມສາຜ່ານມາ, ຂະບວນລົດໄຟສາກົນຈີນ-ເອີຮົບທີ່ອອກຈາກເມືອງຊີ່ອ່ານ ແຂວງສ້ານຊີ ສປ ຈີນໄປບູດາແປັດສຂະບວນທຳອິດໄດ້ເດີນທາງເຖິງບູດາແປັດສ.