ວັນທີ 16 ມິຖຸນານີ້ ຕາມເວລາທ້ອງຖິ່ນ, ໃນໄລຍະສະພາສິດທິມະນຸດອົງການສະຫະປະຊາຊາດຈັດກອງປະຊຸມຄັ້ງທີ 35, ສະມາຄົມສົ່ງເສີມແລກປ່ຽນລະຫວ່າງຊາດອົງການຈັດຕັ້ງປະຊາຊົນຈີນ ແລະ ມຸນນິທິຫຼຸດຜ່ອນຄວາທຸກຍາກຈີນໄດ້ພ້ອມກັນຈັດກອງປະຊຸມທີ່ມີຫົວຂໍ້ວ່າ "ຫຼຸດຄວາມທຸກຍາກຊຸກຍູ້ສິດທິມະນຸດ" ຢູ່ພະລາຊະວັງແຫ່ງຊາດ ເຊິ່ງເປັນສຳນັກງານໃຫຍ່ຂອງສະຫະປະຊາຊາດປະຈຳເຊີແນວ. ຜູ້ຕາງໜ້າລັດຖະບານປະເທດຕ່າງໆ, ອົງການສາກົນ ແລະ ບຸກຄົນຂອງອົງການທີ່ບໍ່ຂຶ້ນກັບລັດຖະບານປະເທດຕ່າງໆໄດ້ເຂົ້າຮ່ວມກອງປະຊຸມດັ່ງກ່າວ.
ໃນເວລາປະກອບຄຳຄິດຄຳເຫັນ, ທ່ານລີວຂາຍຢ໋າງ ຮອງເລຂາທິການໃຫຍ່ສະມາຄົມສົ່ງເສີມແລກປ່ຽນລະຫວ່າງຊາດອົງການຈັດຕັ້ງປະຊາຊົນຈີນກ່າວວ່າ, ຄວາມພົ້ນທຸກແມ່ນສິ່ງທ້າທາຍທີ່ປະຊາຄົມໂລກຜະເຊີນຮ່ວມກັນ, ການຫຼຸດຄວາມທຸກຍາກແມ່ນຊ່ອງທາງສຳຄັນໃນການຊຸກຍູ້ ແລະ ປົກປັກຮັກສາສິດທິມະນຸດ. ການທີ່ອົງການທີ່ບໍ່ຂຶ້ນກັບລັດຖະບານຂອງປະເທດຕ່າງໆແລກປ່ຽນຄວາມຄິດເຫັນໂດຍປິ່ນອ້ອມການຫຼຸດຜ່ອນຄວາມທຸກຍາກນັ້ນມີຜົນດີຕໍ່ການເພີ່ມທະວີການຮ່ວມມືສາກົນ.
ໃນເວລາປະກອບຄຳຄິດຄຳເຫັນໃນຫົວເລື່ອງວ່າ "ຊຸກຍູ້ສິດທິມະນຸດໃຫ້ພັດທະນາ: ບົດບາດຂອງການຫຼຸດຜ່ອນຄວາມທຸກຍາກ", ທ່ານເຮັນຣີ ວັນ ອີເກີນ ຫົວໜ້າຂັ້ນສູງ ກຸ່ມເມີຊີໃຫ້ເຫັນວ່າ, ໃນຂົງເຂດຫຼຸດຜ່ອນຄວາມທຸກຍາກສາກົນ, ຈີນແມ່ນຜູ້ນຳໜ້າ, ບົດຮຽນຂອງຈີນເປັນຕາໃຫ້ປະຊາຄົມໂລກຖອດຖອນນຳ.