ໂທລະພາບແຫ່ງຊາດອີຣານອ້າງຕາມແຫຼ່ງຂ່າວຂອງເຈົ້າໜ້າທີ່ກະຊວງພາຍໃນປະເທດຕົນໂດຍລາຍງານວ່າ, ວັນທີ 17 ມິຖຸນານີ້, ເຮືອປະມົງ 2 ລຳຂອງປະເທດຕົນຖືກຟອງທະເລຫົວໃຫຍ່ຊັດໃສ່ແລະອອກຈາກທາງເດີນເຮືອຂະນະທີ່ເຮັດວຽກຢູ່ອ່າວເປີເຊຍ, ຈາກນັ້ນກໍຖືກກອງປ້ອງກັນຊາຍແດນປະເທດຊາອຸດິອາຣາເບຍຍິງປືນໃສ່, ສົ່ງຜົນເຮັດໃຫ້ຊາວປະມົງໜຶ່ງຄົນເສຍຊີວິດ.
ເຈົ້າໜ້າທີ່ຜູ້ນີ້ເວົ້າຕໍ່ສື່ມວນຊົນວ່າ, ປະເທດຕົນພວມກວດກາວ່າເຮືອປະມົງສອງລຳນີ້ໄດ້ເຂົ້າໃນນ່ານທະເລຂອງຊາອຸດິອາຮາເບຍຍ້ອນສາເຫດດິນຟ້າອາກາດຫຼືບໍ່. ແນວໃດກໍດີ, ເຈົ້າໜ້າທີ່ຜູ້ນີ້ໄດ້ຕິຕຽນກອງປ້ອງກັນຊາຍແດນປະເທດຊາອຸດິອາຣາເບຍຍິງປືນໃສ່ເຮືອປະມົງປະເທດຕົນນັ້ນເປັນການຝືນກັບຫຼັກການມະນຸດສະທຳ.
