ວັນທີ 17 ມິຖຸນານີ້, ທ່ານສີຈີ້ນພິງ ປະທານປະເທດຈີນໄດ້ສົ່ງໂທລະເລກສະແດງຄວາມເສົ້າສະຫຼົດໃຈເຖິງທ່ານຟຣານກ໌ ວາວເຕີ ສະເຕນເມເອີ ປະທານາມິບໍດີເຢຍລະມັນແລະທ່ານນາງແອນເຈລາ ເມີແຄນ ນາຍົກລັດຖະມົນຕີເຢຍລະມັນກໍລະນີທີ່ທ່ານເຮວມຸດ ເຄີວ ອະດີດນາຍົກລັດຖະມົນຕີເຢຍລະມັນເຖິງແກ່ກຳ. ໂດຍຕາງໜ້າລັດຖະບານແລະປະຊາຊົນຈີນແລະໃນນາມສ່ວນຕົວ, ທ່ານສີຈີ້ນພິງໄດ້ສະແດງຄວາມໄວ້ອາໄລຢ່າງເລິກເຊິ່ງຕໍ່ການເຖິງແກ່ກຳຂອງທ່ານເຄີວ ແລະສະແດງຄວາມເຫັນໃຈຢ່າງສຸດຊຶ້ງມາຍັງຄອບຄົວຂອງທ່ານ.
ທ່ານສີຈີ້ນພິງກ່າວໃນໂທລະເລກວ່າ, ໃນຖານະເປັນນັກການເມືອງທີ່ດີເດັ່ນ, ທ່ານເຄີວພະຍາຍາມຊຸກຍູ້ການແລກປ່ຽນແລະຮ່ວມມືລະຫວ່າງຈີນ-ເຢຍລະມັນແລະຈີນ-ເອີລົບໂດຍຕະຫຼອດ, ໄດ້ປະກອບສ່ວນຢ່າງຕັ້ງໜ້າຕໍ່ການຂະຫຍາຍການພົວພັນລະຫວ່າງຈີນ-ເຢຍລະມັນ, ແລະສະແດງຄວາມເຂົ້າໃຈແລະ ສະໜັບສະໜູນຕໍ່ປະຊາຊົນຈີນໃນການທ້ອນໂຮມປະເທດເຂົ້າເປັນເອກະພາບ, ປະຊາຊົນຈີນຈະບໍ່ຫຼົງລືມເພື່ອນມິດຜູ້ນີ້.
ທ່ານສີຈີ້ນພິງເນັ້ນວ່າ, ລັດຖະບານ ແລະປະຊາຊົນຈີນທະນຸຖະໜອມມິດຕະພາບລະຫວ່າງຈີນ-ເຢຍລະມັນແລະຍິນດີຮ່ວມກັບເຢຍລະມັນ, ສ້າງອານາຄົດແຫ່ງສາຍພົວພັນລະຫວ່າງຈີນ-ເຢຍລະມັນໃຫ້ດີຍິ່ງຂຶ້ນ.