ກອງປະຊຸມປະຈຳປີຂອງສະພາມົນຕີທະນາຄານລົງທຶນພື້ນຖານໂຄງລ່າງອາຊີ ຫຼື AIIB ຊຸດທີ 2 ໄດ້ຈັດຂຶ້ນຢູ່ເຈຈູປະເທດສ.ເກົາຫຼີ ແຕ່ວັນທີ 16 ຫາວັນທີ 17 ມິຖຸນານີ້ ຂະນະທີ່ໃນຖານະເປັນຄະນະມົນຕີຂອງຈີນໃນ AIIB, ທ່ານ ຊ່ຽວເຈ ລັດຖະມົນຕີກະຊວງການເງິນຈີນໄດ້ກ່າວຄຳປາໄສໃນກອງປະຊຸມດັ່ງກ່າວວ່າ: AIIB ຈະເພີ່ມພະລັງແຮງໃໝ່ເຂົ້າໃນການພັດທະນາພື້ນຖານໂຄງລ່າງແບບຍືນຍົງແລະການເຊື່ອມຈອດກັນ.
ທ່ານ ຊ່ຽວເຈ ຊີ້ໃຫ້ເຫັນວ່າ: ທ່ານ ສີຈິ້ນຜິງ ປະທານປະເທດຈີນ ແລະ ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ໃຫ້ຄວາມສຳຄັນໃນລະດັບສູງຕໍ່ການສ້າງຕັ້ງການດຳເນີນງານແລະການຄຸ້ມຄອງ AIIB, ບັນດາປະເທດສະມາຊິກໍໄດ້ມີຄວາມປາຖະໜາຫຼາຍຕໍ່ການພັດທະນາຂອງ AIIB ໃນອະນາຄົດ. ນັບແຕ່ເລີ່ມເປີດບໍລິການໃນເດືອນມັງກອນປີ 2016 ເປັນຕົ້ນມາ, ໂດຍການສະໜັບສະໜູນຈາກບັນດາສະມາຊິກ, ການພົວພັນຄູ່ຮ່ວມມືລະຫວ່າງ AIIB ກັບຝ່າຍຕ່າງໆທີ່ກ່ຽວຂ້ອງໄດ້ພັດທະນາເຂົ້າສູ່ລວງເລິກຢ່າງບໍ່ຢຸດຢັ້ງ.
ຂ່າວແຈ້ງວ່າ:ກອງປະຊຸມປະຈຳປີຄັ້ງນີ້ໄດ້ຕົກລົງຈະຈັດກອງປະຊຸມປະຈຳປີສະພາມົນຕີຊຸດທີ 3 ຢູ່ເມືອງມູມບາຍປະເທດອິນເດຍແຕ່ວັນທີ 25 ຫາວັນທີ 26 ມິຖຸນາປີ 2018.