ທ່ານໂຮເຣ ໂກເມັສ ເລຂາກິດຈະການພາຍໃນແຫ່ງຊາດປອກຕຸຍການ ຢືນຢັນໃນວັນທີ 18 ມິຖຸນານີ້ວ່າ: ຜູ້ເສຍຊີວິດຈາກໄຟໄໝ້ປ່າຢູ່ພາກກາງປະເທດຕົນໄດ້ເພີ່ມຂຶ້ນເປັນ 62 ຄົນ ແລະມີ 54 ຄົນໄດ້ຮັບບາດເຈັບ. ຂະນະທີ່ປະເທດຕົນກໍໄດ້ປະກາດພາວະສຸກເສີນ ແລະໄວ້ອາໄລໃນຂອບເຂດທົ່ວປະເທດເປັນເວລາ 3 ວັນ ນັບແຕ່ວັນທີ 18 ມິຖຸນານີ້ເປັນຕົ້ນໄປ.
ໄຟໄໝ້ປ່າເທື່ອນີ້ເກີດຂຶ້ນຢູ່ເຂດເປໂດຣກາວໃຫຍ່ ຕົວເມືອງພາກກາງປອກຕຸຍການ ໃນເວລາປະມານ 15:00 ໂມງ ຂອງວັນທີ 17 ມິຖຸນານີ້ ແລ້ວໄໝ້ລາມຢ່າງວ່ອງໄວ ແລະກາຍເປັນອັກຄີໄຟທີ່ຮ້າຍແຮງ. ປັດຈຸບັນ, ເຈົ້າໜ້າທີ່ດັບເພີງກຳລັງປະຕິບັດໜ້າທີ່ຢູ່ເຂດປະສົບໄພ.
ເຈົ້າໜ້າທີ່ຕຳຫຼວດປອກຕຸຍການ ຊີ້ວ່າ: ຟ້າຜ່າຕົ້ນໄມ້ໃຫຍ່ ຄືສາເຫດຫຼັກຂອງການເກີດໄຟໄໝ້ເທື່ອນີ້.
