ວັນທີ 16 ມິຖຸນານີ້, ໂຄງການການສຶກສາປະລິນຍາໂທວິຊາພາສາຈີນຕໍ່ຕ່າງປະເທດຂອງຄູສອນພາສາຈີນຢູ່ອິນໂດເນເຊຍໄດ້ເປີດຫ້ອງພາສາຈີນຢູ່ມະຫາວິທະຍາໄລສ້າງຄູຫູນານ ແລະເລີ່ມການຮຽນການສອນຄືນໃໝ່. ຄູສອນພາສາຈີນສັນຊາດອິນໂດເນເຊຍທີ່ດີເດັ່ນ 40 ກວ່າຄົນຈະເລີ່ມຮຽນເປັນເວລາ 20 ວັນ. ຄະນະວັດທະນະທຳພາສາຈີນສາກົນຂອງມະຫາວິທະຍາໄລສ້າງຄູຫູນານແມ່ນ"ສູນສຶກສາພາສາຈີນທີ່ຂຶ້ນກັບຫ້ອງການຊາວຕ່າງປະເທດເຊື້ອສາຍຈີນຂອງຄະນະລັດຖະບານຈີນ" ແລະຜ່ານການອົບຮົມຍົກລະດັບການສຶກສາວິຊາພາສາຈີນກາງ ກໍສາມາດສ້າງຄູສອນທີ່ດີເດັ່ນໃຫ້ແກ່ອິນໂດເນເຊຍໄດ້ເປັນຈຳນວນຫຼາຍ.
ໃນຊຸມປີຜ່ານມາ, ຄຽງຄູ່ກັບການສຶກສາພາສາຈີນຢູ່ອິນໂດເນເຊຍທີ່ຟື້ນຕົວຂຶ້ນ,ຄູສອນພາສາຈີນຢູ່ອິນໂດເນເຊຍກໍໄດ້ຫັນເປັນແບບໄວໜຸ່ມ,ລະດັບການສຶກສາ,ວິຊາການແລະອາຊີບ, ແຕ່ການຂາດຄູສອນ,ຄວາມສາມາດແລະຄວາມຮູ້ຂອງຄູສອນບໍ່ໄດ້ມາດຖານແລະອື່ນໆຍັງເປັນບັນຫາທີ່ຕ້ອງແກ້ໄຂ.ຈາກນັ້ນ,ຄູສອນພາສາຈີນທີ່ດີເດັ່ນຂອງອິນໂດເນເຊຍທີ່ໄດ້ຮັບການຍົກລະດັບຢູ່ແຂວງຫູນານ 40 ກວ່າຄົນສ່ວນຫຼາຍແມ່ນເກີດກ່ອນແລະຫຼັງປີ 1980 ເຊິ່ງຜູ້ມີອາຍຸໜ້ອຍທີ່ສຸດແມ່ນ 24 ປີ.