ໂຮງງານຜະລິດໄຟຟ້າດ້ວຍຂີ້ເຫຍື້ອໄລບີຢູ່ເອທີໂອປີທີ່ບໍລິສັດອຸດສາຫະກຳໄຟຟ້າຈີນຮັບເໝົາກໍ່ສ້າງນັ້ນ ຈະເລີ່ມຜະລິດໄຟຟ້າໃນເດືອນກັນຍາປີນີ້ ເຊິ່ງນັບວ່າເປັນບາດກ້າວສຳຄັນທີ່ເອທີໂອປີຊຸກຍູ້ການພັດທະນາພະລັງງານສີຂຽວແລະພັດທະນາດ້ວຍກາກບອນຕ່ຳ.
ນະຄອນຫຼວງອາດິສອາເບບາຂອງເອທີໂອປີທີ່ມີປະຊາກອນ 4 ລ້ານກວ່າຄົນນັ້ນ ບໍ່ຕ່າງຫຍັງກັບເມືອງໃຫຍ່ອື່ນໆຂອງອາຟຣິກາທີ່ພົບບັນຫາ "ຂີ້ເຫຍື້ອເຕັມເມືອງ" ໃນຂະນະທີ່ໄດ້ຫັນເປັນຕົວເມືອງຢ່າງວ່ອງໄວ. ແນວໃດກໍດີ, ຫຼັງຈາກໂຮງງານດັ່ງກ່າວເລີ່ມຜະລິດແລ້ວ ຈະສາມາດເຜົາຂີ້ເຫຍື້ອຢູ່ໃນຕົວເມືອງໄດ້ 1280 ໂຕນຕໍ່ມື້ ໂດຍຈະເຮັດໃຫ້ນະຄອນຫຼວງອາດິສອາເບບາສະອາດແລະສວຍງາມກວ່າເກົ່າ. ຂະນະດຽວກັນ, ໃນຖານະເປັນໂຮງງານຜະລິດໄຟຟ້າປະເພດນີ້ແຫ່ງທຳອິດຂອງອາຟຣິກາ, ໂຄງການທີ່ມີປະສິດທິຜົນດັ່ງກ່າວໄດ້ກາຍເປັນແບບຢ່າງຢູ່ອາຟຣິກາ ແລະເປັນແນວຄິດໃໝ່ໃຫ້ແກ່ການພັດທະນາຫັນເປັນຕົວເມືອງ