ໜັງສືພິມຊິງຈູລາຍວັນລາຍງານວ່າ, ສະພາການຄ້າກວາງຕຸ້ງມາເລເຊຍ ປະກາດໃນກອງປະຊຸມສະມາຊິກປະຈຳປີທີ່ຈັດຂຶ້ນກ່ອນໜ້ານີ້ບໍ່ດົນວ່າ, ສະມາຄົມສົ່ງເສີມການລົງທຶນກວາງຕຸ້ງມາເລເຊຍ ຈະຮ່ວມກັບສະມາຄົມສົ່ງເສີມການຄ້າແຂວງກວາງຕຸ້ງ ສປ ຈີນ ໂຄສະນາສະພາບແວດລ້ອມທຸລະກິດກວາງຕຸ້ງ ເພື່ອດຶງດູດນັກທຸລະກິດເຂົ້າມາຮ່ວມມືແລະລົງທຶນໂດຍເລີ່ມແຕ່ເດືອນກໍລະກົດທີ່ຈະເຖິງນີ້ເປັນຕົ້ນໄປ.
ທ່ານ ລິມຮົກຊັນ ປະທານສະມາຄົມການຄ້າກວາງຕຸ້ງມາເລເຊຍ ໄດ້ຮຽກຮ້ອງໃຫ້ນັກທຸລະກິດມາເລເຊຍແລະຈີນຈັດຕັ້ງຄະນະໄປແລກປ່ຽນກັນຢູ່ແຂວງກວາງຕຸ້ງຫຼາຍເທື່ອ ແລະ ຄຽງຄູ່ກັບການຍົກສູງສາຍພົວພັນມາເລເຊຍ-ຈີນເປັນຄູ່ຮ່ວມຍຸດທະສາດຮອບດ້ານແລ້ວ, ການຮ່ວມມືດ້ານການຄ້າລະຫວ່າງສອງຝ່າຍກໍຈະຂຶ້ນສູ່ລະດັບໃໝ່, ຂະນະທີ່ຈີນໄດ້ເປີດປະຕູເສດຖະກິດການຄ້າສູ່ພາຍນອກນັ້ນ ໄດ້ເຮັດໃຫ້ຄະນະແລະອົງການຈັດຕັ້ງຊາວຈີນຢູ່ມາເລເຊຍ ຕ້ອງ ກຽມຄວາມພ້ອມຢ່າງເຕັມສ່ວນເພື່ອກຳໂອກາດຕະຫຼາດໃຫ້ໃຫຍ່ຫຼວງດັ່ງກ່າວ.