ເນື່ອງຈາກປີນີ້ເປັນປີຄົບຮອບ 80 ປີແຫ່ງສົງຄາມທົ່ວຊົນຊາດຈີນຕໍ່ຕ້ານຟາຊິດຍີ່ປຸ່ນແລະເຫດການ 7 ກໍລະກົດ, ຫໍລະນຶກສົງຄາມປະຊາຊົນຈີນຕໍ່ຕ້ານຟາຊິດຍີ່ປຸ່ນໄດ້ຮ່ວມກັບສຳນັກພິມຈຳໜ່າຍປຶ້ມຫຍິບດ້ວຍເສັ້ນເຊືອກຈັດພິທີນຳສະເໜີປຶ້ມໃໝ່ "ໂທລະເລກລັບແລະເຫດການ 7 ກໍລະກົດວ່າດ້ວຍຍີ່ປຸ່ນຮຸກຮານຈີນ"ໃນຕອນເຊົ້າວັນທີ 19 ມິຖຸນານີ້ ເຊິ່ງປຶ້ມໂຮມຂໍ້ມູນເບື້ອງຕົ້ນດັ່ງກ່າວເປັນເທື່ອທຳອິດທີ່ຈີນໄດ້ຈາກໂທລະເລກລັບ,ເອກະສານເກົ່າຂອງເຈົ້າໜ້າທີ່ທະຫານແລະລັດຖະບານຍີ່ປຸ່ນເພື່ອເຜີຍແບການກໍ່ເຫດການ 7 ກໍລະກົດຂອງຟາຊິດຍີ່ປຸ່ນແລະໂທດກຳຮຸກຮານອື່ນໆ ເຊິ່ງອາດເວົ້າໄດ້ວ່າເປັນຄຳສາລະພາບໃນການຮຸກຮານຂອງຍີ່ປຸ່ນກໍເປັນໄດ້.
ເອກະສານເກົ່າແລະປຶ້ມໃນໄລຍະສົງຄາມຍີ່ປຸ່ນຮຸກຮານຈີນຊຸດດັ່ງກ່າວນີ້ເປັນຜົນງານຂອງອາເມລິກາແລະຫຼັງຈາກຍີ່ປຸ່ນຍອມຈຳນົນ ແລະເຈົ້າໜ້າທີ່ອາເມລິກາທີ່ຍຶດຄອງໄດ້ຂົນຂໍ້ມູນເອກະສານເກົ່າຂອງຍີ່ປຸ່ນໄປອາເມລິກາແລ້ວເຮັດເປັນໄມໂຄຣຟີມ, ຈາກນັ້ນ ອາເມລິກາໄດ້ສົ່ງເອກະສານສະບັບຕົ້ນຄືນໃຫ້ຍີ່ປຸ່ນ, ໃນນີ້ ມີຈຳນວນບໍ່ໜ້ອຍໄດ້ເປີດເຜີຍສູ່ສັງຄົມຢູ່ປະເທດຍີ່ປຸ່ນເຊິ່ງສາມາດຊອກອ່ານໄດ້. ແຕ່ເນື່ອງຈາກມີຫຼາຍສາເຫດ,ໂທລະເລກລັບແລະເອກະສານລັບສ່ວນໃຫຍ່ທີ່ບັນທຶກໃນປຶ້ມໃໝ່ດັ່ງກ່າວບໍ່ໄດ້ເປີດເຜີຍຕໍ່ສັງຄົມຢູ່ຍີ່ປຸ່ນ.
