ການເຈລະຈາການຖອນອອກຈາກສະຫະພາບເອີຣົບ ຫຼື EU ຂອງອັງກິດ ໄດ້ເລີ່ມຂຶ້ນ ຢ່າງເປັນທາງການຢູ່ບຣຸກແຊນ ປະເທດແບນຊິກ ເຊິ່ງເປັນທີ່ຕັ້ງຂອງສຳນັກງານໃຫຍ່ EU ໃນວັນທີ 19 ມິຖຸນານີ້. ຂະນະທີ່ຫຼັງປຶກສາຫາລືກັນຕະຫຼອດມື້, ສອງຝ່າຍລ້ວນແຕ່ເຫັນວ່າ ກອງປະຊຸມເທື່ອນີ້ ເຕັມໄປດ້ວຍບັນຍາກາດທີ່ສ້າງສັນ.
ທ່ານມິເຊວ ບານີເອີ ຫົວໜ້າຄະນະຜູ້ແທນເຈລະຈາຂອງຄະນະກຳມາທິການສະຫະພາບເອີຣົບທີ່ຮັບຜິດຊອບວຽກງານລະອຽດໃນການເຈລະຈາ ແລະ ທ່ານດາວິດ ດາວິສ ລັດຖະມົນຕີທີ່ຮັບຜິດຊອບວຽກງານຖອນອອກຈາກ EU ຂອງອັງກິດ ຕ່າງກໍເນັ້ນວ່າ: ສອງຝ່າຍມີຫວັງຈະບັນລຸການເຊັນສັນຍາໃນການຖອນອອກຈາກ EU, ຂະນະທີ່ທ່ານດາວິສເຫັນໄປໃນແງ່ດີວ່າຈະໄດ້ຮັບໝາກຜົນທີ່ເພິ່ງພໍໃຈ.
ໃນການເຈລະຈາມື້ທຳອິດ, ອັງກິດ ແລະ EU ໄດ້ເຫັນດີໃຫ້ສ້າງຕັ້ງ 3 ໜ່ວຍງານ ເພື່ອແກ້ໄຂວຽກງານຕ່າງໆ ຄື ວຽກງານການທະນາຄານຫຼັງຖອນອອກ, ສິດແລະຜົນປະໂຫຍດຂອງພົນລະເມືອງ ແລະ ວຽກງານທາງກົດໝາຍທີ່ກ່ຽວຂ້ອງຂອງຝ່າຍທີສາມ.
