​ເນື່ອງ​ຈາກອົງການ​ສະຫະ​ປະຊາ​ຊາດ​ໄດ້​ກຳນົດ​ເອົາວັນ​ທີ 21 ມິຖຸນາ​ຂອງ​ແຕ່ລະ​ປີ​​ເປັນ​ວັນ​ໂຍຄະສາ​ກົນ ​ເພື່ອ​ລະດົມ​ໃຫ້​ທຸກຄົນ​ເຂົ້າຮ່ວມ​ຝຶກ ສະຖານທູດ​ອິນ​ເດຍປະຈຳ​ຟິລິບ​ປິນ ​ໄດ້​ຈັດ​ກິດຈະກຳ​ໂຍຄະ​ຢູ່​ກາງ​ແຈ້ງ​ເມື່ອ​ບໍ່​ດົນ​ມາ​ນີ້ ​ເຊິ່ງ​ໄດ້​ດຶງ​ດູດ​ຄູ​ຝຶກ ​ແລະ ຜູ້​ມັກ​ຝຶກ​ໂຍຄະ 250 ກວ່າ​ຄົນ​ເຂົ້າຮ່ວມ. ຂະນະ​ທີ່​ສູນ​ຝຶກ​ໂຍຄະຫຼາຍ​ແຫ່ງ​ກໍ​ໄດ້​ຝຶກ​ສອນການ​ຝຶກ​ໂຍຄະ​ຂັ້ນ​ພື້ນຖານ​ໂດຍບໍ່​ເສຍ​ຄ່າ ​ເພື່ອ​ລະດົມ​ໃຫ້ທຸ​ກ​ຄົນ​ຫັດກາຍ​ບໍລິຫານ ​ແລະ​ເສີມ​ສ້າງ​ຈິດ​ໃຈ​ຂອງ​ຕົນ ​ໂດຍ​ຜ່ານ​ການ​ຝຶກ​​ໂຍຄະ.