ຕາມຂ່າວສານຊິນຮວາ: ກະຊວງພາຍໃນຝຣັ່ງໄດ້ປະກາດຜົນການເລືອກຕັ້ງສະມາຊິກສະພາໃນວັນທີ 19 ມິຖຸນານີ້ ໂດຍຝ່າຍປະສົມທີ່ນຳໂດຍພັກກ້າວໜ້າສາທາລະນະລັດຂອງທ່ານມາຄຣົງ ປະທານາທິບໍດີຝຣັ່ງຍາດໄດ້ 350 ທີ່ນັ່ງຂອງ 577 ທີ່ນັ່ງໃນສະພາຜູ້ແທນປະຊາຊົນ ແລະໄດ້ກາຍເປັນສຽງສ່ວນຫຼາຍໃນສະພາ.
ໃນການລົງຄະແນນສຽງຮອບທີສອງຂອງການເລືອກຕັ້ງສະພາຜູ້ແທນປະຊາຊົນທີ່ຈັດຂຶ້ນໃນວັນທີ 18 ມິຖຸນານີ້, ປະຊາຊົນຜູ້ມີສິດເລືອກຕັ້ງ 57,36%ສະຫຼະສິດ ເຊິ່ງເປັນສະຖິຕິສູງສຸດນັບແຕ່ສ້າງສາທາລະນະລັດທີ 5 ຝຣັ່ງເມື່ອປີ 1958 ເປັນຕົ້ນມາ.
ນອກນີ້, ທ່ານເສິນເວິນສົງ ຄົນຝຣັ່ງເຊື້ອສາຍຈີນກໍຊະນະໃນເຂດເລືອກຕັ້ງທີ 9 ຂອງນະຄອນຫຼວງປາຣີ ແລະກາຍເປັນສະມາຊິກສະພາເຊື້ອສາຍຈີນຄົນທຳອິດຂອງປະເທດດັ່ງກ່າວ.
 |
