ໜັງສືພິມໂລກທຸລະກິດຂອງຟິລິບປິນສະບັບວັນທີ 19 ມິຖຸນານີ້ລາຍງານວ່າ, ລະບົບປ່ອງຢ້ຽມດຽວແຫ່ງຊາດ ຫຼື NSW ເຊິ່ງເປັນມາດຕະການສ້າງຄວາມສະດວກໃຫ້ແກ່ການຄ້າຜ່ານດ່ານຂອງລັດຖະບານຟິລິບປິນ ຈະເລີ່ມເຊື່ອມຕໍ່ກັບປະເທດອື່ນໆໃນອາຊີຕາເວັນອອກສຽງໃຕ້ໃນເດືອນທັນວາປີນີ້.
ທ່ານ Gil S. Beltran ຮອງລັດຖະມົນຕີກະຊວງການເງິນຟິລິບປິນກ່າວວ່າ, ລັດຖະບານປະເທດຕົນພວມທົດລອງຕໍ່ລະບົບ NSW ແລະຈະເປີດບໍລິການໃນເດືອນກັນຍາປີນີ້ ທັງຈະເຊື່ອມຕໍ່ກັບປະເທດອື່ນໆໃນອາຊຽນກ່ອນເດືອນທັນວາ ໂດຍມີ 66 ອົງການ ເປັນຕົ້ນ ອົງການຄຸ້ມຄອງອາຫານແລະຢາ, ອົງການມາດຕະຖານຜະລິດຕະພັນ, ອົງການປາບປາມຢາເສບຕິດ ແລະອື່ນໆ ພ້ອມດ້ວຍ 10 ເຂດເສດຖະກິດເຊື່ອມຕໍ່ລະບົບດັ່ງກ່າວ. ແນວໃດກໍດີ, ຫຼັງໃຊ້ລະບົບດັ່ງກ່າວແລ້ວ, ເວລາອອກໃບອະນຸຍາດຂາເຂົ້າຂາອອກຈະຫຼຸດຈາກ 1 ເດືອນເຫຼືອພຽງ 3 ມື້ເທົ່ານັ້ນ.
 |
