ໂອກາດວັນປາບປາມຢາເສບຕິດສາກົນທີ 26 ມິຖຸນາ, ຈີນ,ລາວ,ມຽນມາແລະໄທໄດ້ຮ່ວມກັນລາດຕະເວນແລະປະຕິບັດກົດໝາຍຕາມແມ່ນ້ຳຂອງຄັ້ງທີ 59 ໃນວັນທີ 20 ມິຖຸນານີ້ໂດຍໄດ້ເລີ່ມຂຶ້ນຢູ່ທ່າກຳປັ່ນກ່ວນເຫຼີຍກິ່ງແຂວງສິບສອງພັນນາແຂວງຢຸນນານ ສປ ຈີນ. ການລາດຕະເວນແລະປະຕິບັດກົດໝາຍຮ່ວມຄັ້ງນີ້, ທັງ 4 ປະເທດໄດ້ສົ່ງກຳປັ່ນລາດຕະເວນ 8 ລຳ, ເຈົ້າໜ້າທີ່ປະຕິບັດກົດໝາຍ 204 ຄົນ ເພື່ອລາດຕະເວນຕາມລຳນ້ຳຂອງແລະບາງຈຸດກໍຄືໂຄສະນາການປາບປາມຢາເສບຕິດໃນວັນປາບປາມຢາເສບຕິດສາກົນ ແລະ ການແລກປ່ຽນວັດທະນະທຳ, ກິລາແລະອື່ນໆ.
ຂະນະດຽວກັນ, ເພື່ອຮັບມືກັບສະພາບການປາບປາມຢາເສບຕິດທີ່ຍັງຫຍຸ້ງຍາກຢູ່ຕາມແມ່ນ້ຳຂອງ, ລົງເລິກກົນໄກຮ່ວມມືຄວາມປອດໄພການປະຕິບັດກົດໝາຍຢູ່ຕາມແມ່ນ້ຳຂອງຕື່ມອີກນັ້ນ ໜ່ວຍປະຕິບັດກົດໝາຍທັງ 4 ປະເທດຈະຮ່ວມກັນໂຄສະນາການປາບປາມຢາເສບຕິດ,ການແລກປ່ຽນສະພາບການຕິດຢາເສບຕິດ,ການປຶກສາຫາລືກ່ຽວກັບການຮ່ວມມືດ້ານການປະຕິບັດກົດໝາຍກ່ຽວກັບການປາບປາມອາຊະຍາກອນຢາເສບຕິດຂ້າມຊາດແລະອື່ນໆຢູ່ເຂດແມ່ນ້ຳທີ່ສຳຄັນເປັນຕົ້ນສາມຫຼ່ຽມຄຳ.