ທ່ານເສີນຈູມິນ ຜູ້ອຳນວຍການໃຫຍ່ບໍລິສັດແອບັສສາຂາຈີນກ່າວໃນງານວາງສະແດງການບິນແລະການບິນອະວະກາດສາກົນປາຣີ ເລີ ບົວເກດທີ່ຈັດຂຶ້ນໃນວັນທີ 20 ມິຖຸນານີ້ວ່າ, ຫຼາຍປີຜ່ານມາ, ການຮ່ວມມືລະຫວ່າງບໍລິສັດແອບັສແລະຂະແໜງການບິນຈີນໄດ້ພັດທະນາຢ່າງຕໍ່ເນື່ອງ, ເຊິ່ງຈະສົ່ງຜົນເຮັດໃຫ້ເຮືອບິນແອບັສຢູ່ຈີນນັບມື້ຫຼາຍຂຶ້ນ.
ທ່ານເສິນຈູມິງກ່າວວ່າ, ໂຮງງານປະກອບເຮືອບິນແອບັສ A320 ທ່ຽນສິງທີ່ເປີດນຳໃຊ້ເມື່ອປີ 2008 ຜ່ານມາ, ໄດ້ສຳເລັດການປະກອບແລະມອບເຮືອບິນ A320 ຈຳນວນ 324 ລຳຢູ່ນະຄອນທ່ຽນສິງ, ແລະໃນປີນີ້ກໍໄດ້ສຳເລັດການປະກອບແລະມອບເຮືອບິນຕື່ມອີກ 20 ລຳ. ຄຽງຄູ່ກັບການເປີດກວ້າງການຮ່ວມມືລະຫວ່າງບໍລິສັດແອບັສແລະຄູ່ຮ່ວມມືຝ່າຍຈີນບໍ່ຢຸດຢັ້ງນັ້ນ, ໂຮງງານປະກອບເຮືອບິນແອບັສທ່ຽນສິງໄດ້ປ່ຽນຊື່ເປັນໂຮງງານປະກອບເຮືອບິນແອບັສ A320 ອາຊີແລະຈະມອບເຮືອບິນໃຫ້ແກ່ບໍລິສັດການບິນໃນອາຊີ.