ຕາມຂ່າວສານຊິນຮວາ: ມີນັກຂ່າວໄດ້ຖາມໃນພິທີຖະແຫຼງຂ່າວທີ່ຈັດຂຶ້ນໃນວັນທີ 20 ມິຖຸນານີ້ ໂດຍມີນັກຂ່າວຖາມມີກະແສຂ່າວວ່າ, ເມື່ອມໍ່ໆມານີ້ ໄດ້ປິດບັນຊີທະນາຄານຂອງພໍ່ຄ້າຊາຍແດນມຽນມາຢູ່ເມືອງຢຸ້ຍລີ້ ເຊິ່ງອາດຈະກ່ຽວພັນເຖິງການຫຼິ້ນພະນັນ ແລະມີຫາງສຽງສ່ວນໜຶ່ງຈາກມຽນມາທີ່ເປັນຫ່ວງວ່າຈະກະທົບຕໍ່ການຄ້າປົກກະຕິລະຫວ່າງຈີນກັບມຽນມາ. ຂໍຖາມວ່າຈີນມີຄຳເຫັນແນວໃດຕໍ່ເລື່ອງນີ້?
ທ່ານເກິ໋ງສວງ ໂຄສົກກະຊວງການຕ່າງປະເທດຈີນຕອບວ່າ, ຕາມແຫຼ່ງຂ່າວແຈ້ງນັ້ນ, ເຈົ້າໜ້າທີ່ຕຳຫຼວດຈີນພວມສືບສວນສອບສວນຄະດີຫຼິ້ນພະນັນຢູ່ແຂວງຢຸນນານ ແລະປິດບັນຊີທະນາຄານຈຳນວນໜຶ່ງທີ່ກ່ຽວພັນເຖິງຄະດີຕາມກົດໝາຍ ເຊິ່ງການປະຕິບັດກົດໝາຍປົກກະຕິແບບນີ້ຈະບໍ່ກະທົບຕໍ່ການຄ້າແລະການໄປມາຫາສູ່ທີ່ຊອບດ້ວຍກົດໝາຍຢູ່ເຂດຊາຍຈີນ-ມຽນມາ. ໜ່ວຍປະຕິບັດກົດໝາຍຈີນແລະມຽນມາໄດ້ຮ່ວມມືກັນປາບປາມຂະບວນການອາຊະຍາກຳຂ້າມຊາຍແດນທີ່ຜິດກົດໝາຍຢ່າງແໜ້ນແຟ້ນ ແລະຈີນຍິນດີຮັກສາການຕິດຕໍ່ພົວພັນແລະປະສານງານກັບມຽນມາໃນໄລຍະສືບສວນສອບສວນຄະດີ ແລະຮ່ວມກັນປົກປັກຮັກສາຄວາມເປັນລະບຽບຮຽບຮ້ອຍຂອງເຂດຊາຍແດນ ແລະຄວາມສຸກຂອງປະຊາຊົນເຂດຊາຍແດນຂອງສອງປະເທດ.