ວັນທີ 21 ມິຖຸນານີ້, ກຸ່ມຕິດອາວຸດກຸ່ມໜຶ່ງໄດ້ບຸກກຸ່ມບ້ານປິກຄາວາຢັນແຂວງໂກຕາບາໂຕເໜືອ ພາກໃຕ້ຟີລິບປິນ ແລະໄດ້ປະທະກັບກອງທັບລັດຖະບານຟີລິບປິນ. ຂະນະທີ່ກຸ່ມຕິດອາວຸດທີ່ໂຕນໜີນັ້ນໄດ້ຍຶດໂຮງຮຽນທ້ອງຖິ່ນຫຼັງໜຶ່ງ ພ້ອມທັງຈັບປະຊາຊົນ 5 ຄົນເປັນຕົວປະກັນ.
ທ່ານເຣສຕິຕູໂຕ ປາດິນລາ ໂຄສົກກອງກັບຟີລິບປິນໄດ້ຢືນຢັນວ່າກອງທັບລັດຖະບານໄດ້ຍິງໂຕ້ຕອບກຸ່ມຕິດອາວຸດແລະພວກເຂົາກໍໄດ້ຖອນກຳລັງອອກໄປແລ້ວອັນເຮັດໃຫ້ສະຖານະການຢູ່ທ້ອງຖິ່ນກັບສູ່ສະພາບປົກກະຕິແລ້ວ. ຕາມການລາຍງານຈາກຝ່າຍທະຫານໃຫ້ຮູ້ວ່າ: ຂະນະທີ່ກຸ່ມຕິດອາວຸດໂຕນໜີນັ້ນໄດ້ຍຶດໂຮງຮຽນທ້ອງຖິ່ນແຫ່ງໜຶ່ງ ພ້ອມທັງຈັບປະຊາຊົນ 5 ຄົນເປັນຕົວປະກັນ. ເນື່ອງຈາກວ່າກຸ່ມຕິດອາວຸດຖືກໂຈມຕີແລະຖອນກຳລັງອອກໄປແລ້ວ,ທະຫານຍັງບໍ່ສາມາດຢືນຢັນວ່າຕົວປະກັນມີຄູ່ຫຼືນັກຮຽນລວມຢູ່ໃນຈຳນວນນັ້ນຫຼືບໍ່ແລະໄດ້ຖືກປ່ອຍຕົວຫຼືບໍ່. ການປະທະກັນດັ່ງກ່າວບໍ່ມີສ່ວນກ່ຽວຂ້ອງກັບການສູ້ຮົບຢູ່ເມືອງມາລາວີພາກໃຕ້ຂອງຟີລິບປິນ.