ຫວ່າງມໍ່ໆມານີ້, ສະຖາບັນວິທະຍາສາດສັງຄົມຈີນໄດ້ເຜີຍແຜ່ບົດລາຍງານປະຈຳ 6 ເດືອນຂອງປີການຄ້າເອເລັກໂຕຣນິກຈີນປີ 2017 ໂດຍສະແດງໃຫ້ເຫັນວ່າ: ນັບແຕ່ເດືອນທັນວາປີ 2016 ຫາເດືອນພຶດສະພາປີນີ້, ຍອດມູນຄ່າການຂາຍຍ່ອຍທາງອິນເຕີເນັດບັນລຸຫຼາຍກວ່າ 3.000 ຕື້ຢວນເປັນຄັ້ງທຳອິດ ແລະ ຫຼາຍກວ່າໝົດປີ 2014 ເຊິ່ງໄດ້ສ້າງສະຖິຕິສູງສຸດເມື່ອທຽບໃສ່ການຂາຍຍ່ອຍການຄ້າເອເລັກໂຕຣນິກຂອງຈີນໃນໄລຍະດຽວກັນ.
ຕົວເລກສະແດງໃຫ້ເຫັນວ່າ: ໃນໄຕມາດທຳອິດຂອງປີນີ້, ມູນຄ່າການຊື້ສິນຄ້າທາງອິນເຕີເນັດຂອງຜູ້ບໍລິໂພກຈີນມີຫຼາຍກວ່າອາເມລິກາ 2 ເທົ່າ ແລະ ເບິ່ງຈາກຂະໜາດຂອງຕະຫຼາດຂາຍຍ່ອຍທາງອິນເຕີເນັດແລ້ວ, ຈີນຍັງຄົງຄອງເປັນອັນດັບ 1 ຂອງໂລກໃນຫຼາຍປີຜ່ານມາ. ໃນປີ 2016, ມູນຄ່າການຄ້າເອເລັກໂຕຣນິກຂອງຈີນໄດ້ກວມຫຼາຍກວ່າ 1 ສ່ວນ 3 ຂອງຍອດມູນຄ່າການຄ້າເອເລັກໂຕຣນິກໃນທົ່ວໂລກ. ອັດຕາສ່ວນຂອງມູນຄ່າການຂາຍຍ່ອຍທາງອິນເຕີເນັດຂອງຈີນໃນຍອດມູນຄ່າການຂາຍຍ່ອຍໃນສັງຄົມບໍ່ພຽງແຕ່ສູງຫຼາຍກວ່າລະດັບສະເລ່ຍຂອງໂລກເທົ່ານັ້ນ,ຫາກຍັງກໍສູງກວ່າເອີຣົບ,ອາເມລິກາເໜືອ ແລະໃນ 3 ປີຫຼັງມານີ້, ອັດຕາດັ່ງກ່າວໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ.
 |
